IPL Kvaulifaayar Do Aur Final Ke Tikton Ki Bikri Shuroo

Cricket »

IPL Kvaulifaayar Do Aur Final Ke Tikton Ki Bikri Shuroo

Kolkata. . Eden gardens par 24 aur 26 May ko hone vaale IPL kvaulifaayar do aur final ke tikton ki bikri shanivaar se shuroo ho gayi. Yahaan jaari vigyapti ke anusaar, tikton ki bikri shanivaar subah 11 baje iplt20. Com par shuroo hui. Tikton ki nyoonatam keemat 300 rupaye hai. In do maichon ke box office ke tikton ki bikri ke baare mein jald hi ghoshana ki jaaegi. Nai Delhi ke Ferozshah Kotla mein 21 May aur 22 May ko hone vaale kvaulifaayar ek aur eliminator ke online aur box office tikton ki bikri ke baare mein bhi jald ghoshana ki jaaegi. Kvaulifaayar ek league charan mein pehle aur doosare sthaan par rahane waali teemon ke beech khela jaaega. Is match ki vijeta team final mein jagah banaaegi. League charan mein teesare aur chauthe sthaan par rahane waali team eliminator mein bhaag legi. Ismein vijeta team 24 May ko Kolkata mein doosare kvaulifaayar mein pehle kvaulifaayar mein haarne waali team se bhidegi. Kvaulifaayar ek aur kvaulifaayar do ke vijeta ke beech 26 May ko Eden gardens mein final khela jaaega.

IPL Kvaulifaayar Do Aur Final Ke Tikton Ki Bikri Shuroo https://www.angrejinews.com/pic/7653