IPL Ke Jariye Pankaj Ko Raashtreeya Team Mein Pravesh Ki Ummeed

Cricket »

IPL Ke Jariye Pankaj Ko Raashtreeya Team Mein Pravesh Ki Ummeed

Jaipur. . Ranji cricket mein lagaataar achhe pradarshan se bhi vah raashtreeya team mein jagah naheen pa sake lekin Rajasthan ke tej geindabaaj pankaj Singh ne ab chayanakartaaon ka dhyaan kheenchne ke liye IPL se ummeedein laga rakhi hain. Pichhle kuchh saal se sabse safal ghareloo geindabaajon mein rahe pankaj ko lagaataar achhe pradarshan ke baavajood chayanakartaaon ki upeksha jhelni padi hai. IPL mein ab royal Challengers Bengaluru ke liye khelne ja rahe 28 baras ke pankaj ne Bhaarat ke liye sirf ek one-day khela hai. Pankaj ne kaha, ''Jo beet gaya, uske baare mein baat karne ka koi matlab naheen hai. Uske baad se bhi main lagaataar ghareloo cricket mein achha pradarshan kar raha hoon. '' unhonne kaha, ''Rajasthan Ranji champion rah chuka hai aur maine desh ke sheersh ballebaajon ke khilaaf khela hai. Is saal bhi mainne 29 wicket liye aur kai naami giraami geindabaajon se behtar pradarshan kiya. '' pankaj ne kaha ki ab unki najarein IPL mein achhe pradarshan par lagi hai. Unhonne kaha, ''Mujhe IPL ka intajaar hai. Main teesari baar royal Challengers Bengaluru ke liye kheloonga. Abhi tak unke paas dakshin Africa ka Dale sten tha lekin is baar unke paas adhikaansh bhaarateeya tej geindabaaj hain. '' pankaj ne kaha ki Zaheer Khan aur aar pi Singh jaise geindabaaj saath honge. Mujhe ummeed hai ki unke saath geindabaaji karke kaafi kuchh seekhane ko milega. Yah tej geindabaaj maujooda vijay hajaare one-day championship naheen khel raha hai. Unhonne kaha ki main ghareloo tee20 championship aur IPL ki taiyaari kar raha hoon. Maine 142 kilometer prati ghante ki raftaar se geind feinki hai aur 135 kimi ki raftaar se lagaataar feink raha hoon. Usane kaha ki ab main apne dheeme bouncer aur yaurkar par mehnat kar raha hoon. Mera maanana hai ki morne Morkel aur lasith malinga is variation ka sabse achhe tareeke se istemaal karte hain. Mujhe ummeed hai ki unase seekhane ko milega

IPL Ke Jariye Pankaj Ko Raashtreeya Team Mein Pravesh Ki Ummeed https://www.angrejinews.com/pic/3223