IPL-7 Vaarnar Aur Dhavan Chamake, Hyderabad Ne Chennai Ko Chhah Wicket Se Maat Di

Breaking »

IPL-7  Vaarnar Aur Dhavan Chamake, Hyderabad Ne Chennai Ko Chhah Wicket Se Maat Di

Ranchi: play of mein jagah bana chuki chennai Superkings ko guruvaar ko Indian Premier league saat ke match mein Hyderabad sunrisers se chhah wicket ki haar jhelni padi. pichhle do match mein Kolkata Knightriders aur royal Challengers Bengaluru se haarne waali chennai ki team yeh lagaataar teesari shikast hai. Kaptaan Mahendra Singh Dhoni, David hassi aur salaami ballebaaj dven smith ki aakraamak paariyaan bhi team ke kaam naheen aa sakeen. chennai Superkings ne ballebaaji ka nyota milne ke baad Dhoni ke naabaad 57 aur hassi ke naabaad 50 run tatha donon ke beech chauthe wicket ke liye 11.2 over mein 108 run ki shaanadaar saajhedaari se teen wicket par 185 run ka score khada kiya. Ismein smith ne bhi aham yogadaan diya, unhonne 28 geind mein chaar chhakke aur itne hi chauke ki madad se teji se 47 run jode. sunrisers Hyderabad ne salaami ballebaaj David vaarnar ki 90 run ki taabadtod aur kaptaan shikhar dhavan ki naabaad 64 run ki paari se do geind rahate yeh lakshya haasil kar liya. vaarnar (45 geind mein teen chhakke aur 12 chauke) aur dhavan ne team ko behatareen shuruaat karaai. In donon ne 11.2 over mein pehle wicket ke liye 116 ki saajhedaari nibhaai. Dhavan ne doosare chhor se vaarnar ko poora sahayog diya, unhonne is saajhedaari ke dauraan keval 22 run hi jode. dhavan ne lagaataar doosari arddhashatakeeya paari kheli. Unhonne 49 geind mein chaar chauke aur do chhakke jade. Unhonne aur naman ojha (19 run) ne doosare wicket ke liye 52 run ki bhaageedaari nibhaai. Team ne ant mein Aaron finch (07) aur Darren saimi (00) ke wicket ganva diye. Chennai ke liye jaan hestings, Ravindra jadeja aur suresh raina ne ek-ek wicket haasil kiya. isse pehle Dhoni ne apne ghareloo darshakon ki ummeedon par khara utarate hue aakraamak paari kheli. Unki is paari mein 41 geind mein chaar chhakke aur do chauke jade the jabki dven Bravo ki jagah team mein utaare gaye hassi ne 33 geind mein paanch chauke aur do chhakke se 50 run banaae. firm mein chal rahe smith (47) aur faaf du plesis (19) ne team ko achhi shuruaat karaai. Lekin du plesis ka kharaab daur jaari raha aur vah achhi shuruaat ke baavajood chauthe over run out ho gaye. Hyderabad ne chhathe over mein Parvez rasool ko geindabaaji ke liye utaara, jismein smith ne pehli teen geindon par gaganachunbi chhakke jadkar is over mein 21 run juta liye. Lekin agale over mein vah karn sharma ki geind par pagbaadha out hue. Smith ke out hone ke baad team ka score do wicket par 68 run tha. karn sharma ko doosra wicket suresh raina (04) ke roop mein mila jo bada shot khelne ke prayaas mein laang of mein Aaron finch ko catch de baithe. Team ka score teen wicket par 77 run tha, jab kaptaan Dhoni crease par utare. Dhoni aur hassi ne jimmedaari se khelte hue chauthe wicket ke liye shatakeeya bhaageedaari nibhaai. Is dauraan donon apne arddhashatak bhi poore kiye. Dhoni ne antim over mein dakshin afreeki geindabaaj Dale sten ki geindon ki dhajjiyaan udaate hue do chhakke aur do chauke ki madad se 24 run jode. Unhonne is over ka doosra chhakka jadkar apna arddhashatak bhi poora kiya. aakhiri paanch overon mein 68 run bane, jismein se 24 run antim over mein jude.

IPL-7 Vaarnar Aur Dhavan Chamake, Hyderabad Ne Chennai Ko Chhah Wicket Se Maat Di https://www.angrejinews.com/pic/51415