IPL-7 Super Kings Ne Mumbai Indians Ka Safar Kiya Samaapt

Breaking »

IPL-7  Super Kings Ne Mumbai Indians Ka Safar Kiya Samaapt

Mumbai: Indian Premier league (IPL) ke saatavein sanskaran ke tahat Wankhede stadium mein Budhvaar ko hue eliminator match mein chennai super kings ne Mumbai Indians ko saat wicket se hara diya. Iske saath hi ati romaanchak andaaj mein playoff mein pahunchi gat champion Mumbai Indians ka IPL-7 mein safar samaapt ho gaya. Mumbai Indians se mile 174 ranon ke lakshya ke javaab mein super kings ne 18.4 overon mein teen wicket khokar 176 run banaakar jeet haasil kar li. Ab super kings shukravaar ko qualifier-2 mein kings eleven ka saamana kareinge. Qualifier-2 ki vijeta team ek June ko final mukaabale mein Kolkata night Riders ka saamana karegi. suresh raina ko unki naabaad ardhashatakeeya paari ke liye player of the match se navaaja gaya. Gaurtalab hai ki Budhvaar ko hi raina ko Bangladesh ke khilaaf July mein hone vaale ekadivseeya shrrunkhala mein bhaarateeya team ki kamaan saunpe jaane ki ghoshana ki gayi. dvaayan smith (24) aur faaf doo plesis (35) ne super kings ko shaanadaar shuruaat di. Donon ballebaajon ne 60 ranon ki saajhedaari nibhaai. Haalaanki Harbhajan Singh ke ek hi over mein donon ballebaaj pavilion laute to ek baar laga ki Mumbai Indians match mein vaapasi karne lage hain. Pragyaan ojha ki geind par breindan maiklam (14) bhi jald hi pavilion laut gaye. Maiklam ka wicket 10vein over ki teesari geind par 87 ke kul yog par gira. super kings ko abhi bhi 10.3 overon mein 86 ranon ki darkaar thi. Lekin suresh raina (naabaad 54) aur David hasi (naabaad 40) ne naabaad 89 ranon ki saajhedaari kar lakshya ko behad aasaan bana diya. Raina ne is beech 33 geindon mein chaar chauke aur do chhakke lagaae, jabik hasi ne 29 geindon ka saamana kar do chauke aur teen chhakke lagaae. Mumbai Indians ka koi bhi geindabaaj prabhaavi geindabaaji naheen kar saka. Harbhajan Singh ko do aur pragyaan ojha ko ek wicket mila. isse pehle, super kings ke aamantran par ballebaaji karne utari Mumbai Indians team ne nirdhaarit 20 overon mein aath wicket ke nuksaan par 173 run banaae. Mumbai Indians ki shuruaat shaanadaari rahi aur uske salaami ballebaaj leindil simans (67) aur maaik hasi (39) ne pehle wicket ke liye 76 run jode. Pichhle match mein Rajasthan Royals ke khilaaf dhamaal machaane vaale kori endarasanal (20) ne utarane ke saath hi tej haath dikhaane shuroo kiye, lekin jyaada der naheen tik paae. 10 geindon ki apni chhoti si paari mein unhonne do chhakke aur ek chauka jamaaya. Kaptaan rohit sharma (20) aur keeran Pollard (14) run banaakar pavilion laute. ek samay 16.4 over mein teen wicket par 143 run banaakar behad majaboot najar aa rahi Mumbai Indians aakhiri 20 geindon mein 30 run banaane mein paanch wicket gavaan baithi. super kings ki or se mohit sharma ko teen, Ravindra jadeja aur Nehra ko do-do jabki Ravichandran Ashwin ko ek safalta haath lagi. Mohit sharma ek baar fir IPL-7 mein 22 wicketon ke saath parpal kaip ki daud mein sabse aage nikal gaye.

IPL-7 Super Kings Ne Mumbai Indians Ka Safar Kiya Samaapt https://www.angrejinews.com/pic/52045