IPL-7 Shuroo Mein Kisi Ne Naheen Socha Tha, Ham Jeeteinge Gautam Gambhir

Breaking »

IPL-7  Shuroo Mein Kisi Ne Naheen Socha Tha, Ham Jeeteinge  Gautam Gambhir

Bengaluru: Kolkata Knightriders ke kaptaan Gautam gambhir ne IPL-7 ka khitaab jeetne ke baad kaha ki pehle saat maichon mein unki team ke pradarshan ko dekhte hue kisi ne bhi naheen socha tha ki unki team khitaab jeetegi, lekin iska poora shreya saari team ko jaata hai. pehle saat maichon mein se paanch mein haarne waali kekeaar team ne iske baad lagaataar nau match jeete hain, jinmein final bhi shaamil hain, jismein usane kings eleven Punjab ko teen wicket se haraaya. Iske liye use 15 karod rupaye ka check mila. Gautam gambhir ne puraskaar vitran samaaroh mein kaha, "Pehle saat maichon ke baad ham kahaan the. . . Bahut adhik logon ne naheen socha hoga ki ham khitaab jeeteinge. . . Hamaare khilaadiyon ne dabaav ke baavajood achha pradarshan kiya. . . Poori team ko jeet ka shreya jaata hai. . . " kekeaar ne maneesh Pande ki 94 run ki paari ki madad se final mein 200 run ka lakshya haasil kiya. Is baare mein gambhir ne kaha, "Is maidaan par score ka bachaav karna mushkil tha. . . Ham paanch over mein 50 ya 60 run banaana chaahate the. . . Maneesh ne behatareen paari kheli. . . Yusuf (pathaan) ne achhe shot lagaae, jabki peeyoosh Chawla ne mahatvapoorn chhakka lagaaya. . . Unki taraf se riddhimaan saaha ne bhi avishvasaneeya paari kheli, lekin maneesh ne bebaak paari kheli. . . " kings eleven ke kaptaan George belly ne kekeaar aur visheshakar Pande ko unki paari ke liye badhaai di, lekin saath hi kaha ki apni team ke final tak ke safar se vah khush hain. Belly ne kaha, "Hamaare paas khaas khilaadiyon ki team hai. . . Hamaare liye yeh behatareen tournament raha aur hamaare khilaadi garv se sir uncha kar sakte hain. . . " akshar Patel ko emarjing player chuna gaya. Unhonne kaha, "Kai raashtreeya aur antararaashtreeya khilaadi is daud mein the, lekin unke beech is puraskaar ke liye chune jaane se main gauravaanvit mahasoos kar raha hoon. . . Ummeed hai ki isse mujhe aage faayda milega. . . " glen Maxwell ko most vailyooebal khilaadi chuna gaya, jabki kekeaar ke robin uthappa ko tournament mein sarvaadhik 660 run banaane ke liye oreinj kaip aur chennai Superkings ke mohit sharma ko sarvaadhik 23 wicket lene ke liye parpal kaip di gayi. uthappa ne kaha, "Mere paas iske liye shabd naheen hain. . . Mujhe khushi hai ki mainne apni team ki jeet mein yogadaan diya. . . Yadi mujhe ek paari chunani hogi to vah Mumbai Indians ke khilaaf (Cuttack mein 80 run) kheli gayi paari thi, jismein paanv ki anguliyon mein chot ke baavajood main khela tha. . . " parpal kaip paane vaale mohit ne kaha, "Pichhle satr tak main shuruaati overon mein hi geindabaaji karta tha, lekin is saal mainne kaafi slog over bhi kiye. . . Mainne kaafi kuchh seekha. . . Mainne apni kamjoriyon ka pata lagaaya aur agale satr se pehle main un par kaam karoonga. . . "

IPL-7 Shuroo Mein Kisi Ne Naheen Socha Tha, Ham Jeeteinge Gautam Gambhir https://www.angrejinews.com/pic/52519