IPL-7 Night Riders Ki Jeet Mein Chamake Uthappa, Naren

Breaking »

IPL-7  Night Riders Ki Jeet Mein Chamake Uthappa, Naren

Kolkata: ek baar fir robin uthappa (naabaad 83) ki shaanadaar ballebaaji aur suneel naren (4/20) ki dhaaradaar geindabaaji ki badaulat Kolkata night Riders ne Indian Premier league (IPL) ke saatavein sanskaran ke tahat Wankhede stadium mein hue 49vein match mein royal Challengers Bangalore ko 30 ranon se hara diya. night Riders se mile 196 ranon ke vishaal lakshya ka peechha karne utari royal Challengers team nirdhaarit 20 overon mein paanch wicket par 165 run hi bana saki. night Riders ki jeet mein uthappa aur naren ke alaava shaakib al hasan (60) ne bhi mahatvapoorn yogadaan diya. Is jeet ke saath hi night Riders ankataalika mein teesare sthaan par pahunch gaye aur unka playoff mein pahunchana pakka ho gaya, jabki royal Challengers playoff ki race se baahar ho gaye. kings eleven se mile 196 ranon ke vishaal lakshya ka peechha karne utare royal Challengers ki shuruaat behad kharaab rahi. Pehla over lekar aae morne Morkel ne sirf ek run diye, jabki doosra over lekar Umesh Yadav ne kris Gale (6) ke roop mein royal Challengers ko pehla jhatka de diya. kaptaan viraat Kohli (38) ne yogesh takaavale (45) ke saath haalaanki doosare wicket ke liye 85 ranon ki mahatvapoorn saajhedaari kar team ko sambhaalne ki poori koshish ki. Kohli aur takaavale haalaanki run gati ko kabhi apekshit run rate ke kareeb naheen rakh paae. 13vaan over lekar spin geindabaaj suneel naren ne Kohli aur takaavale ke wicket chatakaakar royal Challengers ko dohara jhatka de diya. Kohli short thard main par khade Morkel ke haathon lapke gaye, jabki takaavale clean bold ho gaye. Kohli ne 31 geindon ka saamana kar teen chauke aur ek chhakka lagaaya, tatha takaavale ne 36 geindon ki paari mein paanch chauke aur ek chhakka lagaaya. iske baad crease par maujood Yuvraj Singh (22) aur Abraham DeVilliers (13) ki jodi royal Challengers ki aakhiri ummeed najar aa rahi thi. Donon ballebaajon ne teji se run jodne shuroo hi kiya tha ki naren apna doosra behatareen over lekar aae. naren ne 17vein over ki doosari aur aakhiri geind par kramash: Yuvraj aur DeVilliers ke wicket chatakaakar royal Challengers ki rahi sahi ummeed bhi dhvast kar di. DeVilliers jab pavilion laute to royal Challengers ka score 17 overon mein 133 run tha, tatha unhein jeet ke liye shesh 18 geindon mein 63 ranon ki jaroorat thi. lekin geind aur ranon ka antar itna adhik ho chuka tha ki sachin raana (naabaad 19) aur Michelle Stark (naabaad 12) ki jodi lakh koshishon ke baavajood ise haasil naheen kar saki. naren night Riders ke sabse safal geindabaaj rahe. Naren ne 20 run dekar chaar wicket chatakaae. isse pehle, royal Challengers ke nimantran par ballebaaji karne utari night Riders team ne nirdhaarit 20 overon mein chaar wicket khokar 195 run banaae the. night Riders ki shuruaat haalaanki bahut kharaab rahi. Kaptaan Gautam gabheer (4) pehli hi over mein pavilion laut gaye. Michelle Stark ki geind par gambhir wicket ke peechhe lapke gaye. maneesh paandeya (13) aur Yusuf pathaan (22) bhi tik kar naheen khel sake. Haalaanki night Riders ki run gati unhonne dheemi naheen padne di. Pathaan ne 13 geindon ki apni chhoti si paari mein ek chauka aur do chhakke lagaae. night Riders ka score ek samay saat overon mein teen wicket par 56 run ho chuka tha. Is beech salaami ballebaaj uthappa ek chhor thaamakar jamkar khelte rahe. Pathaan ke jaane ke baad uthappa ke saath shaakib ki chauthe wicket ke liye 121 ranon ki saajhedaari na sirf night Riders ko shuruaati jhatakon se ubaar liya balki majaboot sthiti mein pahuncha diya. is beech donon ballebaajon ne apna-apna ardhashatak poora kiya. Uthappa ne 34 geindon mein tatha shaakib ne 32 geindon mein 50 ranon ka aankada chhuaa. Shaakib ne is beech 15vaan over lekar aae yujaveindr chahal ke ek over mein teen chhakke aur ek chauke lagaakar 24 run batore. Abu nechim Ahmad ne 19vein over ki chauthi geind par shaakib ko bold kar is shatakeeya saajhedaari ko toda. Tab tak haalaanki night Riders ka score 177 run pahunch chuka tha, jise uthappa ne naabaad rahate hue 195 tak pahuncha diya. uthappa ne 51 geindon ki apni behatareen paari mein 10 chauke aur ek chhakka lagaaya. royal Challengers ka koi bhi geindabaaj prabhaavi pradarshan naheen kar saka. Stark, dinda aur Ahmad ko ek-ek wicket mile.

IPL-7 Night Riders Ki Jeet Mein Chamake Uthappa, Naren https://www.angrejinews.com/pic/51397