IPL-7 Mumbai Ne Delhi Ko Haraakar Playoff Ki Ummeed Barkaraar Rakhi

Breaking »

IPL-7 Mumbai Ne Delhi Ko Haraakar Playoff Ki Ummeed Barkaraar Rakhi

Mumbai: Indian Premier league (IPL) ke saatavein sanskaran ke tahat shukravaar ko Wankhede stadium mein khele ja rahe din ke pehle aur kul 51vein mukaabale mein Mumbai Indians ne Delhi Daredevils ko 15 ranon se hara diya. Iske saath hi Mumbai ne playoff mein pahunchane ki ummeed bhi barkaraar rakhi hai. Delhi ko jeet ke liye 174 ranon ka lakshya mila tha, lekin usaki team nirdhaarit overon mein 4 wicket khokar keval 158 run hi bana pai. Delhi Daredevils ki or jyaan paul dyoomini naabaad 45 run banaakar laute. Unhonne 29 geindon ki apni paari mein chaar shaanadaar chhakke jamaae. Delhi Daredevils ki paari ki shuruaat thos rahi. Paari ki shuruaat karne aae kaptaan kevin Peterson (44) aur murali vijay (8) ne pehle wicket ke liye 43 run jode. Haalaanki iske baad 18 ranon ke bheetar jaldi-jaldi gire teen wicketon ne Daredevils ko baikafut par la diya. is beech chauthe wicket ke liye manoj tivaari (41) aur jyaan paul dyoomini ne 8.5 overon mein 85 ranon ki saajhedaari kar Delhi ko vaapas lakshya ke behad kareeb le aae. Lekin 19vein over mein manoj tivaari ka wicket le kar maarchet de laanj ne Mumbai ko match mein vaapas la diya. Mumbai Indians ki or se laanj ne do jabki shreyash gopaal aur Harbhajan Singh ne ek-ek wicket haasil kiya. isse pehle Delhi Daredevils ne toss jeetkar pehle geindabaaji chunate hue Mumbai Indians ki paari 19.3 overon mein 173 ranon par samet diya tha. ledil simans (35) aur maaik hasi (56) ne shaanadaar shuruaat karte hue aath overon mein 87 run jod Mumbai Indians ko behatareen shuruaat di thi. Hasi ne 33 geindon ki apni paari mein do chhakke aur saat chauke lagaae. Delhi Daredevils ki or se Imran taahir ko 3, jayadev unaadakat ko 2 wicket mile. Shaabaaj nadeem aur ven parnel ke haath ek-ek safalta lagi.

IPL-7 Mumbai Ne Delhi Ko Haraakar Playoff Ki Ummeed Barkaraar Rakhi https://www.angrejinews.com/pic/51525