IPL-7 Mumbai Indians Ne Rajasthan Royals Ko 25 Ranon Se Haraaya

Breaking »

IPL-7  Mumbai Indians Ne Rajasthan Royals Ko 25 Ranon Se Haraaya

Ahmedabad: Indian Premier league (IPL) ke saatavein sanskaran ke tahat somvaar ko sardaar Patel stadium mein hue 44vein match mein Mumbai Indians ne Rajasthan Royals ko 25 ranon se hara diya. Rajasthan Royals ke saamane jeet ke liye 179 ranon ka lakshya tha, lekin team nirdhaarit 20 overon mein aath wicket par 153 run hi bana pai. salaami ballebaaj karun Nair (48) ke alaava koi bhi ballebaaj wicket par tikne mein asamarth raha. Nair ek chhor thaame khade rahe jabki doosare chhor se ballebaaj lagaataar antaraal par pavilion ka rukh karte rahe. aakhirkaar saatavein wicket ke roop mein Nair ke out hone ke saath hi Rajasthan ki jeet ki ummeed bhi khatm ho gayi. Nair ne apni 24 geindon ki paari mein teen chhakke aur chaar chauke lagaae. haalaanki Nair ke out hone ke baad braid hauj (40) aur James Faulkner (naabaad 31) ne aathavein wicket ke liye 41 geindon mein 69 ranon ki saajhedaari kar thoda sangharsh jaroor dikhaaya lekin yeh jeet ke liye naakaafi raha. Nair, hauj aur Faulkner ko chhod koi bhi ballebaaj apni vyaktigat ranasankhya ko dahaai ke aakade tak pahuncha paane mein naakaam raha. Mumbai Indians ki or se Harbhajan Singh ne chaar over mein keval 13 run dekar do wicket liye. Padaarpan match khel rahe shreyas gopaal ne bhi do wicket haasil kiye. Iske alaava pragyaan ojha aur krismaar saintoki ko bhi do-do wicket mile. isse pehle toss jeetkar ballebaaji karne utare Mumbai Indians ne apne salaami ballebaajon maaik hasi (56) aur leindil simans (62) ki naayaab paariyon ke saath behatareen shuruaat ki. donon ballebaajon ne pehle wicket ke liye 14.3 overon mein 120 ranon ki saajhedaari ki. Simans ne 51 geindo ki paari mein do chhakke aur chhah chauke jamaae vaheen hasi ne tej haath dikhaate hue 39 geindon ki apni paari mein do chhakke aur teen chauke lagaae. donon ballebaajon ke out hone ke baad keeran Pollard (naabaad 14) aur kaptaan rohit sharma (40) ne bhi aakhiri paanch overon mein tej gati se 56 ranon ki saajhedaari kar Mumbai Indians ko 178 ke sammaanajanak score tak pahunchaaya. Rajasthan Royals ke James Faulkner sabse mahange geindabaaj rahe. Unhonne 4 over mein 47 run lutaae. Rajat Bhatia ne bhi chaar overon mein 39 run diye, jabki donon wicket ankit sharma ke naam rahe.

IPL-7 Mumbai Indians Ne Rajasthan Royals Ko 25 Ranon Se Haraaya https://www.angrejinews.com/pic/51040