IPL-7 Mumbai Indians Ke Liye Ab Har Match Aar-paar Vaala

Breaking »

IPL-7  Mumbai Indians Ke Liye Ab Har Match Aar-paar Vaala

Mohali: Indian Premier league (IPL) ke saatavein sanskaran ke tahat Budhvaar ko Punjab cricket sangh stadium mein hone vaale ekamaatr match mein jab Mumbai Indians, kings eleven Punjab ke khilaaf maidaan mein utaregi to usaka maksad sirf aur sirf jeet darj karna hoga. haar ki sthiti mein Mumbai ka IPL-7 se patta saaf ho jaaega. aise mein nishchit taur par Mumbai Indians par match ka jeetne ka bhaari dabaav rahega. Jabki doosari taraf ank-taalika mein sheershasth kings eleven ke liye is match ka mahatva sirf apni oorja ke star ko barkaraar rakhana rahega. Mumbai Indians team is season mein 11 match khel chuki hai aur aath ankon ke saath vah ank-taalika mein saatavein sthaan par hai. Playoff mein pahunchane ki apni ummeed barkaraar rakhane ke liye Mumbai Indians ko apne bache sabhi teen match jeetne honge. Saath hi doosare teemon ki haar-jeet par bhi bahut kuchh nirbhar hoga. gat champion Mumbai Indians ne IPL-7 mein geind aur balle se bahut hi ausat pradarshan kiya hai, doosari or kings eleven ne na sirf balle se dhamaakedaar pradarshan kiya hai, balki geindabaaji mein bada naam na hone ke baavajood unhonne kai baar ekajut pradarshan ka najaara pesh kiya hai. kings eleven ke glen Maxwell aur David Miller sheersh 10 ballebaajon ki soochi mein kramash: Pehle aur naunvein paayadaan par maujood hain, doosari or Mumbai Indians ka koi bhi ballebaaj sheersh 10 mein naheen hai. geindabaajon ki soochi mein donon hi teemon ke ek-ek khilaadi sheersh 10 mein sthaan banaane mein kaamayaab rahe hain. Kings eleven ke sandeep sharma 17 wicket ke saath parpal kaip ki daud mein teesare sthaan par hain, jabki 16 wicket ke saath Mumbai Indians ke lasith malinga unase theek ek sthaan peechhe chauthe sthaan par hain. team (sambhaavit): kings eleven Punjab- George baile (kaptaan), Virendra Sehwag, David Miller, glen Maxwell, Riddhimaan saaha, akshar Patel, Michelle Johnson, shivm sharma, sandeep sharma, rishi dhavan. Mumbai Indians- rohit sharma (kaptaan), ledil simans, CM Gautam, Ambati raayadoo, kori Anderson, keeran Pollard, aaditya taare, Harbhajan Singh, lasith malinga, jasapreet bumaraah, pragyaan ojha.

IPL-7 Mumbai Indians Ke Liye Ab Har Match Aar-paar Vaala https://www.angrejinews.com/pic/51228