IPL-7 Lagaataar Saataveen Haar Taalana Chaaheinge Daredevils

Breaking »

IPL-7  Lagaataar Saataveen Haar Taalana Chaaheinge Daredevils

Nai Delhi: Indian Premier league (IPL) ke saatavein sanskaran mein mangalvaar ko hone vaale doosare aur kul 38vein match mein Delhi Daredevils jab royal Challengers Bangalore ke khilaaf M. Chinnaasvaami stadium mein utareinge to unka uddeshya royal Challengers ke khilaaf IPL mein lagaataar saataveen haar se bachana rahega. Daredevils team ka IPL-6 mein bura pradarshan IPL-7 mein bhi jaari hai. Ve ab tak khele gaye nau maichon mein sirf do jeet darj kar sake hain aur ankataalika mein talahati mein chipke hue hain. royal Challengers ka pradarshan bhi haalaanki apekshaanuroop naheen raha hai. Rajasthan Royals ke khilaaf IPL-7 ke pichhle match mein to jaise jeet unke haath se fisl gayi. Daredevils ko vatan vaapasi ke baad ghareloo darshakon ke saamane lagaataar teen maichon mein sharmanaak haar ka saamana karna pada. Daredevils ki playoff mein pahunchane ki ummeedein jahaan dhoomil hoti ja rahi hain, vaheen nau maichon mein teen jeet ke saath chhathe paayadaan par maujood royal Challengers ko ab tournament mein apni ummeedein barkaraar rakhane ke liye jeet ka bahut adhik jaroorat hai. donon teemon ke beech ab tak IPL mein ab tak kul 12 mukaabale hue hain, jismein royal Challengers ne saat mein jeet haasil ki hai. Royal Challengers ne pichhle chhah maichon se lagaataar Daredevils ko haraaya hai, aur is match mein unka uddeshya apne ghareloo darshakon ke samaane Daredevils par lagaataar saataveen jeet darj karni rahegi. teemein : royal Challengers Bangalore : Viraat Kohli (kaptaan), kris Gale, paarthiv Patel, Abraham DeVilliers, Yuvraj Singh, vijay jol, elbi Morkel, Michelle Stark, ashok dinda, varun Aaron, yujaveindr chahal. Delhi Daredevils : Kevin Peterson (kaptaan), kvintan di kauk, jyaan paul dyoomini, dinesh kaartik, kedaar jaadhav, mayank Agrawal, lakshmeeratan shukla, Imran taahir, Rahul shukla, mohammad sami, jayadev unaadakat.

IPL-7 Lagaataar Saataveen Haar Taalana Chaaheinge Daredevils https://www.angrejinews.com/pic/50439