IPL-7 Kings Eleven Punjab Ko Kadi Takkar Deinge Kolkata Night Riders

Breaking »

IPL-7  Kings Eleven Punjab Ko Kadi Takkar Deinge Kolkata Night Riders

Kolkata: Indian Premier league (IPL) ke saatavein sanskaran ke tahat mangalvaar ko tournament ki ab tak ki do shreshth teemein kings eleven Punjab aur Kolkata night Riders Eden garden stadium mein ek-doosare ki shreshthata ko chunauti deingi. kings eleven team ab tak IPL-7 mein sabse teji se run batorane waali team rahi hai, to doosari or night Riders run dene ke maamale mein sabse kifaayati team. kings eleven ne ab tak 14 maichon mein 9.03 ke ausat se run batore hain, to night Riders ne 7.63 ki ikaunami rate se run diye hain. Is tarah dekha jaae to pehle kvaalifaayar mukaabale mein sarvashreshth ballebaaji aur sarvashreshth geindabaaji waali teemon ke beech mukaabala hai. lekin dhuaandhaar ballebaaji ke liye jaani jaane vaale kings eleven ne jahaan geindabaaji mein bhi behtar pradarshan kiya hai, vaheen night Riders ki ballebaaji bhi pichhle kuchh maichon se behad sthir aur visfotak najar aane lagi hai. Kings eleven ne jahaan IPL-7 mein ab tak sarvaadhik wicket chatakaae hain, vaheen night Riders ne bhi pichhle saat maichon mein lagaataar lakshya ka peechha karte hue jeet haasil ki hai. kings eleven ne laagaatar paanch maichon mein jeet haasil kar IPL-7 ki shaanadaar shurooaat ki to night Riders ne lagaataar saat jeeton ke saath league charan ka samaapan kiya. Maxwell banaam uthappa : Maxwell (535 run) jahaan shurooaati visfotak paariyon ke saath aadhe se adhik safar tak ballebaaji mein sheersh par rahe vaheen uthappa (613 run) ne pichhli nau paariyon mein se kisi mein bhi 40 se kam run naheen banaae hain. Uthappa ab oreinj kaip ki daud mein sabse oopar hain. Maxwell ka Bhaarat vaapasi ke baad pradarshan ausat hi raha hai. Maxwell banaam naren : Donon teemon ke beech hue do maichon mein Maxwell 15 aur 14 ranon ki paariyaan kheleen. Night Riders ke khilaaf Maxwell ne donon maichon mein kul 26 geindein kheleen, jismein 24 geindein naren ne feinki hain. Is tarah donon teemon ke beech kvaalifaayar match Maxwell banaam naren bhi maana ja sakta hai. kings eleven ne bhale ab tak sabse visfot ballebaaji ki hai, lekin league charan ke aakhiri match mein IPL ka sabse tej ardhashatak lagaatar Yusuf pathaan ne sanasani macha di. IPL-7 mein chhah baar 190 se adhik score banaane vaale kings eleven pehle ballebaaji karte hue sirf do baar 150 se kam run bana sake, aur yeh donon match night Riders ke khilaaf hi the. geindabaaji mein night Riders ke naren aur shaakib al hasan jahaan sabse kifaayati geindabaaj rahe, vaheen kings eleven ke sandeep sharma ne shurooaati chhah pauvaraple overon mein sarvaadhik 12 wicket chatakaae hain. Sandeep 10 maichon mein kul 17 wicket le chuke hain. kul milaakar donon teemon ke beech hone vaala yeh pehla kvaalifaayar match vaastav mein geind aur balle ke beech behad rochak jang hone waali hai. Haalaanki is match mein haarne waali team ke paas khitaabi jang mein bane rahane ke liye ek mauka aur milega. kvaalifaayar-1 mein haarne waali team league charan mein teesare aur chauthe sthaan par rahane vaale chennai super kings tatha Mumbai Indians ke beech iliminetar mukaabale mein jeetne waali team se doosare kvaalifaayar mukaabale mein bhidegi. Kvaalifaayar-2 ki vijeta team fir final mukaabale mein kvaalifaayar-1 ki vijeta team se bhidegi. teemein (sambhaavit) : kings eleven Punjab : George baile (kaptaan), Virendra Sehwag, manan vohara, glen Maxwell, David Miller, Riddhimaan saaha, akshar Patel, Michelle Johnson, rishi dhavan, sandeep sharma, lakshmeepati Balaji. Kolkata night Riders : Gautam gambheer (kaptaan), robin uthappa (wicket-keeper), maneesh paandeya, Yusuf pathaan, raayan ten doshet, shaakib al hasan, sooryakumaar Yadav, vinaya Kumar, morne Morkel, Umesh Yadav, suneel naren.

IPL-7 Kings Eleven Punjab Ko Kadi Takkar Deinge Kolkata Night Riders https://www.angrejinews.com/pic/51854