IPL-7 Kings Eleven Ko Haraakar Night Riders Final Mein

Breaking »

IPL-7 Kings Eleven Ko Haraakar Night Riders Final Mein

File photo File photo Kolkata: Indian Premier league (IPL) ke saatavein sanskaran ke tahat Eden gaardans stadium mein Budhvaar ko khele gaye pehle playoff match mein Kolkata night Riders ne kings eleven Punjab ko 28 ranon se haraakar pratiyogita ke final mein pravesh kar liya hai. kings eleven ko jeet ke liye 164 ranon ki jaroorat thi lekin poori team nirdhaarit 20 overon mein aath wicket khokar keval 135 run bana saki. Aakhiri over mein kings eleven ko jeet ke liye 30 run chaahiye the. Lekin Umesh Yadav ke is over mein kings keval sirf ek run bana sake. ballebaaji ke dam par IPL-7 mein jyaadaatar match jeetne waali kings eleven ki ballebaaji aaj behad ausat rahi. Manan vohara (26) aur Riddhimaan saaha (35) ke alaava koi bhi ballebaaj prabhaavi naheen dikha. Donon ne doosare wicket ke liye 28 geindon mein 40 ranon ki saajhedaari ki. IPL-7 mein balle se dhamaal machaane vaale glen Maxwell (6) aur David Miller (8) ka balla bhi aaj shaant raha. Aakhiri over mein kaptaan George baile 17 geindon par 26 run banaakar out hue. night Riders ki or se Umesh Yadav ne sabse prabhaavi geindabaaji karte hue chaar overon mein 13 run dekar teen wicket chatakaae. Morne Morkel ne do aur peeyoosh Chawla aur shakeeb al hasan ne ek-ek wicket haasil kiya. isse pehle toss haarakar ballebaaji karne utare night Riders ne aath wicket ke nuksaan par 163 run banaae. Behatareen form mein chal rahe night Riders ke salaami ballebaaj robin uthappa (42) ne sarvaadhik yogadaan diya. Apni 30 geindon ki paari mein unhonne do chhakke aur chaar chauke lagaae. uthappa ne IPL-7 mein lagaataar 10veen paari mein 40 se oopar ka score banaaya hai. Ismein chaar ardhashatak bhi shaamil hain. Kaptaan Gautam gambhir (1) ke roop mein haalaanki night Riders ko pehla jhatka doosare over mein hi lag gaya. Iske baad doosare wicket ke liye uthappa ne maneesh Pande (21) se saath 65 ranon ki saajhedaari kar team ko sambhaalne ki bharsak koshish ki. Lekin iske baad wicketon ke girne ka silsila shuroo ho gaya. shakeeb al hasan (18) aur IPL-7 mein hi IPL ka sabse tej ardhashatak banaane vaale Yusuf pathaan (20) ranagati badhaane ki koshish mein apna wicket ganva baithe. Haalaanki is beech donon ballebaajon ne chauthe wicket ke liye 41 ranon ki saajhedaari jaroor nibhaai. Peeyoosh Chawla ne aakhiri over mein teen chauke lagaae. Vah nau geindon mein 17 ranon ki paari khelkar naabaad laute. kings eleven ki or se karanaveer Singh ne teen, jabki akshar Patel aur Michelle Johnson ne 2-2 ballebaajon ko out kiya. Akshar sabse kifaayati geindabaaj rahe. Unhonne 2.75 ki ikaunami se sirf 11 run diye. aaj ke pradarshan ke saath akshar 16 wicket lekar IPL-7 ke geindabaajon ki soochi mein chhathe sthaan par pahunch gaye. IPL-7 mein 10 se adhik wicket lene vaale geindabaajon mein suneel naren ke baad akshar doosare sabse kifaayati geindabaaj hain.

IPL-7 Kings Eleven Ko Haraakar Night Riders Final Mein https://www.angrejinews.com/pic/52030