IPL 7 Dhavan Aur Vaarnar Ne Sunrisers Ko Dilaayi Bangalore Par Jeet

Breaking »

IPL 7  Dhavan Aur Vaarnar Ne Sunrisers Ko Dilaayi Bangalore Par Jeet

Hyderabad: Delhi Ranji team ke do dhurandharon ne firm mein vaapasi karke aaj yahaan IPL saat mein pehli ardhashatakeeya paari kheli, lekin shikhar dhavan aur unke Australiaee saathi David vaarnar ka pachaasa aakhir mein viraat Kohli ke prayaas par bhaari pad gaya, jisse sunrisers Hyderabad ne royal Challengers Bangalore ko saat wicket se haraakar playoff ki apni ummeedein barkaraar rakhi. dhavan (50) aur vaarnar (59) ne pehle wicket ke liye 100 run jodkar sunrisers ko achhi shuruaat dilaayi. Naman ojha ne bhi 24 run ka yogadaan diya, jisse Hyderabad ki team ne IPL ke apne itihaas mein record lakshya haasil kiya. Sunrisers ne 19.4 over mein teen wicket par 161 run banaae. royal Challengers ne jab taas jeetkar pehle ballebaaji ka faisala kiya, to usaki paari kaptaan Kohli ke ird gird ghoomti rahi, jinhonne 41 geindon par 67 run banaae. Is beech unhonne Yuvraj Singh (21) ke saath teesare wicket ke liye 57 aur AB DeVilliers (29) ke saath chauthe wicket ke liye 61 run ki do ardhashatakeeya saajhedaariyaan ki. Iske baavajood Bangalore chhah wicket par 160 run tak hi pahunch paaya. sunrisers ki taraf se bhuvaneshvar Kumar ne 27 run dekar do wicket liye. Sunrisers ki yeh 12 match mein paanchaveen jeet hai aur uske bhi Bangalore ke samaan 10 ank ho gaye hain. Kohli ki aguvaai waali team, haalaanki net run rate ke aadhaar par ankataalika mein paanchavein sthaan par hai. in donon teemon ko aage badhne ke liye apne baaki bache donon match jeetne honge aur saath hi teesare se saatavein sthaan par kaabij anya teemon ki haar ki duaa karni hogi.

IPL 7 Dhavan Aur Vaarnar Ne Sunrisers Ko Dilaayi Bangalore Par Jeet https://www.angrejinews.com/pic/51162