IPL 7 Delhi Ki Lagaataar Nauveen Haar, Punjab Saat Wicket Se Jeeta

Breaking »

IPL 7  Delhi Ki Lagaataar Nauveen Haar, Punjab Saat Wicket Se Jeeta

Mohali: geindabaajon ke damadaar pradarshan ke baad manan vohara aur David Miller ki umda paariyon ki madad se kings eleven Punjab ne IPL saat ke mahaj aupachaarikta vaale apne antim league match mein aaj yahaan Delhi Daredevils ko saat wicket se haraakar 11veen jeet darj ki. is match se pehle hi Punjab ka sheersh par, jabki Delhi ka antim sthaan par rahana tay tha. Punjab ke 14 maichon mein 11 jeet se 22 ank rahe, jabki Delhi ki team lagaataar nauveen haar ke baad 14 maichon mein do jeet se chaar ank hi juta saki. Delhi ne apni donon jeet yooei mein darj ki, jabki Bhaarat mein vah nau mein se ek bhi naheen jeet pai aur lagaataar doosare saal antim sthaan par rahi. Delhi ke 116 run ke lakshya ka peechha karte hue Punjab ne vohara (38 geind mein 47 run) aur Miller (34 geind mein naabaad 47) ki paariyon ki madad se 6.1 over baaki rahate teen wicket par 119 run banaakar behad aasaan jeet darj ki. Vohara ne apni paari mein chaar chauke aur do chhakke maare jabki Miller ne bhi itne hi chauke aur chhakke jade. isse pehle Delhi ki team kaptaan kevin Peterson (58) ke IPL saat mein pehle ardhashatak ke baavajood 18.1 over mein 115 run par dher ho gayi. Punjab ki or se tej geindabaaj paravindar avaana ne 15 run dekar do, jabki leg spinner karanaveer Singh ne 22 run dekar do wicket chatakaae. Michelle jaanasan aur akshar Patel ne bhi do do wicket haasil kiye. Punjab ki team ab pehle qualifier mein 27 May ko Kolkata ke Eden gardens mein Kolkata night Riders se bhidegi.

IPL 7 Delhi Ki Lagaataar Nauveen Haar, Punjab Saat Wicket Se Jeeta https://www.angrejinews.com/pic/51723