IPL-7 Daredevils Ki Lagaataar Chhathi Haar, 62 Ranon Se Jeete Royals

Cricket »

IPL-7  Daredevils Ki Lagaataar Chhathi Haar, 62 Ranon Se Jeete Royals

Ahmedabad: Indian Premier league (IPL) ke saatavein sanskaran ke tahat guruvaar ko sardaar Patel stadium ke apne ghareloo maidaan par hue 41vein match mein Rajasthan Royals ne Delhi Daredevils ko 62 ranon se hara diya. Royals se mile 202 ranon ke vishaal lakshya ke javaab mein Daredevils team nirdhaarit 20 overon mein nau wicket par 139 run hi bana saki. is jeet ke saath Royals 11 maichon mein saat jeet ke saath 14 ank arjit kar ankataalika mein teesare sthaan par aur majaboot ho gaye, jabki pichhle sanskaran ki hi tarah is baar bhi Daredevils ka jameendoj rahana tay lag raha hai. Daredevils ki 11 maichon mein yeh nauveen tatha lagaataar chhathi haar hai. ajinkya rahaane ko unki behatareen ardhashatakeeya paari ke liye player of the match chuna gaya. Rahaane ka IPL-7 mein yeh teesara ardhashatak hai, jiski madad se vah ballebaajon ki soochi mein aathavein paayadaan par pahunch gaye. lagaataar paanch haar se hataash ho chale Daredevils ke ballebaajon par vishaal lakshya ka atirikt dabaav spasht najar aaya aur niyamit antaraal par ve pavilion lautate rahe. Daredevils ke liye kaptaan kevin Peterson (13) aur mayank Agrawal (17) ki salaami jodi abhi 19 ranon ki saajhedaari hi kar pai thi ki James Faulkner ki geind par Agrawal Steve smith ko catch thama baithe. Agrawal ke jaane ke saath hi Daredevils ke wicketon ke girne ka silsila chal pada. yeh silsila aath wicketon ke girne ke baad Rahul shukla (14) aur manoj tivaari (naabaad 61) ke beech nauvein wicket ke liye hui 29 ranon ki saajhedaari ke dauraan hi sabse adhik der ruka raha. paanchavein kram par ballebaaji karne utare manoj tivaari Royals ke sabse safal ballebaaj rahe. Unhonne 44 geindon ki apni naayaab paari mein paanch chauke aur do chhakke lagaae. Daredevils ka shesh koi bhi ballebaaj tik kar naheen khel saka. Yahaan tak ki Daredevils ke teen-teen ballebaajon ko mile jeevanadaan ka bhi ve faayda uthaane mein naakaamayaab rahe. Royals ke liye saat geindabaajon ne geindabaaji ki aur sabhi ko wicket mile. Rajat Bhatia ne do wicket chatakaae. isse pehle, toss haarakar ballebaaji karne utare Royals ne nirdhaarit 20 ovaro mein paanch wicket ke nuksaan par 201 run banaae. ajinkya rahaane (64) aur karun Nair (19) ki salaami jodi ne 44 ranon ki saajhedaari kar Royals ko thos shurooaat di. Shaabaaj nadeem dvaara laae chhathe over ki teesari geind par Nair pagbaadha karaar diye gaye. rahaane ne iske baad ballebaaji karne aae kevan koopar (32) ke saath bhi 49 ranon ki saajhedaari nibhaai. 29 geindon tak chali is saajhedaari mein koopar ne 16 geindon ka saamana kiya aur do chauke tatha teen chhakke lagaae. Koopar ka wicket 11vein over ki doosari geind par jyaan paul dyoomini ne liya. Dyoomini ne koopar ko Rahul shukla ke haathon catch out karavaaya. iske baad chauthe kram par ballebaaji karne utare Kerala ke yuva ballebaaj sanjoo Samson (40) ne bhi rahaane ka achha saath nibhaaya aur saajhedaari ko 39 geindon mein teji se 74 ranon tak pahuncha diya. Is beech rahaane ne dhairyapoorvak khelte hue 45 geindon mein apna ardhashatak poora kiya. rahaane 167 ranon ke kul yog par shaabaaj nadeem ki geind par clean bold hue. Rahaane ne 50 geindon ki apni paari mein aachh chauke aur ek chhakka lagaaya. akhiri ke teen overon mein Royals ne Stuart binni aur Samson ke wicket ganvaae, lekin James Faulkner (naabaad 23) ne ek baar fir toofaani andaaj mein ballebaaji karte hue team ko 201 ranon ke sammaanajanak score tak pahuncha diya. binni bina khaata khole Imran taahir ki geind par wicket ke peechhe lapke gaye, jabki Samson taahir ke isi over mein kedaar jaadhav ke haathon catch out hue. Is beech Samson ne 25 geindon mein do chauke aur teen chhakke lagaae. Faulkner ne saat geindon ki apni chhoti si paari mein teen chhakke jade. Daredevils ke liye taahir aur nadeem ne do-do wicket haasil kiye.

IPL-7 Daredevils Ki Lagaataar Chhathi Haar, 62 Ranon Se Jeete Royals https://www.angrejinews.com/pic/50676