IPL-7 Agar Aaj Bhi Tala Match To Kings Eleven Pahunchega Final Mein

Breaking »

IPL-7 Agar Aaj Bhi Tala Match To Kings Eleven Pahunchega Final Mein

Kolkata: Indian Premier league (IPL) ke saatavein sanskaran mein khitaabi jang ke aakhiri charan ki shuruaat Budhvaar ko Kolkata ke Eden garden stadium mein Kolkata night Riders aur kings eleven Punjab ke beech hone vaale pehle kvaalifaayar match se ho jaaegi. Yeh match mangalvaar ko hona tha, lekin baarish ke kaaran ab ise aaj aayojit kiya jaaega. yeh match 4 baje se shuroo hoga. Yadi baarish ke kaaran aaj ka match bhi radd ho jaata hai to sheersh sthaan ke saath playoff mein pravesh karne vaale kings eleven ko final mein pravesh de diya jaaega. playoff charan ka doosra iliminetar match bhi Budhvaar ko hi Mumbai ke Wankhede stadium mein Mumbai Indians aur chennai super kings ke beech hoga. Yeh match shaam 8 baje se shuroo hoga. kvaalifaayar-1 match jahaan ab mausam ke havaale hai, vaheen doosare match ka romaanch IPL prashansakon ke sar chadhkar bol raha hai. Aisa isliye bhi hai, kyonki khitaabi jang mein gat champion aur gat up vijeta ek baar fir ek-doosare ke aamne-saamane honge. ab tak IPL ke har sanskaran ke antim chaar mein pahunchane waali chennai super kings team pichhle varsh Mumbai Indians se final mukaabala haar gayi thi, jiska nishchit taur par aaj vah badla chukaana chaahegi. doosari or shuruaati asafalataaon ke baad jabaradast vaapasi karte hue apne aakhiri league match mein Mumbai Indians ne jis andaaj mein jeet darj kar playoff mein pravesh kiya, usase unka hausala nishchit taur par nae ufaan par rahega. Wankhede stadium mein ghareloo darshakon ke saamane Budhvaar ko Mumbai Indians ke liye lekin Mahendra Singh Dhoni ki chennai super kings jaisi behad santulit team se paar paana utana aasaan naheen rahega. Mumbai Indians ke kaptaan rohit sharma ek aisi team ki kamaan sanbhaal rahe hain, jisne ab tak ek ya do khilaadiyon ke shaanadaar pradarshan ke bal par jeet darj ki hai. Doosari or, dhauni ki team super kings ek aisi team hai jise apne salaami ballebaajon par poora bharosa hai, jise apne kaptaan par poora bharosa hai aur jo apni team ko kisi bhi paristhiti mein sakaaraatmak rakhakar jeet ki or le jaata hai aur jise apne geindabaajon par bhi poora bharosa hai. kul milaakar Superkings ek aisi team hai jo har vibhaag mein behad santulit aur sakaaraatmak najar aati hai. Lekin pichhle kuchh maichon mein super kings ki tej geindabaaji aakraman vishesh prabhaav naheen chhod saki hai, jo unki chinta ka sabab jaroor hogi. in par raheingi nigaahein : big hitrs Anderson aur maiklam : Mumbai Indians ke dhurandhar ballebaaji kori Anderson laya mein laut aae hain aur unase is aham match mein bhi mahatvapoorn yogadaan ki apeksha rahegi, vaheen super kings ek breindan maiklam na sirf laya mein hain, balki kaafi aakraamak bhi najar aa rahe hain. kiski firki mein fansega kaun : Mumbai Indians ke mukhya spin geindabaaj Harbhajan Singh ab tak suneel naren ke baad doosare sabse kifaayati geindabaaj hain, jabki super kings ke Ravindra jadeja naren ke baad doosare sarvaadhik wicket chatakaane vaale firki geindabaaj hain. Jadeja ne behatareen harfanmaula khilaadi ki bhoomika ada ki hai. Naren ke baad IPL-7 mein do baar chaar wicket jhatakane ka kaarnaama karne vaale ekamaatr geindabaaj bhi hain jadeja. aaj hone vaala match mein yeh dekhna rochak hoga ki jeetne waali team kisi khilaadi vishesh ke pradarshan ke bal par jeetati hai ya team ke ekajut pradarshan ke bal par. teemein (sambhaavit) : chennai super kings : Mahendra Singh Dhoni (kaptaan), dvaayan smith, breindan maiklam, suresh raina, Ravindra jadeja, Ravichandran Ashwin, mohit sharma, David hasi, mithun manhaas, saimual badri, aasheesh Nehra. Mumbai Indians : Rohit sharma (kaptaan), leindil simans, maaik hasi, kori Anderson, keeran Pollard, Ambati raayadoo, aaditya taare, Harbhajan Singh, shreyash gopaal, pragyaan ojha, jasapreet bumara.

IPL-7 Agar Aaj Bhi Tala Match To Kings Eleven Pahunchega Final Mein https://www.angrejinews.com/pic/51982