IPL 6 Romaanchak Match Mein Chennai Ne Kekeaar Ko Haraaya

Cricket »

IPL 6 Romaanchak Match Mein Chennai Ne Kekeaar Ko Haraaya

chennai. . 'Mistar cricket' maaik hasi ki ek aur shaanadaar paari se chennai super kings ne Kolkata night Riders ko Sunday ko khele gaye match mein 14 run se maat day di. Chennai ne pehle batting karte hue 200 run ka bada score khada kiya. Magar manavindar bisla (92) ki dhuaandhaar paari ki madad se mejabaan team ko karaara javaab diya. Dekhein skorakaard haalaanki antim overon mein kris mauris ne shaanadaar bauling karke kekeaar ko chaar wicket par 186 run par rok diya. Is haar se kekeaar ki knockout mein pahunchane ki sambhaavana ko karaara jhatka laga hai. Use nau match mein chhathi haar jhelni padi. Doosari taraf chennai ki yah nauvein match mein saataveen jeet hai aur vah 14 pauints hain. Hasi ko main of the match chuna gaya. Maaik hasi ne 59 geindon par 11 chaukon aur do chhakkon ki madad se 95 run banaae. Unhonne Riddhimaan saaha (23 geind par 39 run) ke saath pehle wicket ke liye 103 run jodkar CSK ko shaanadaar shuruaat dilaai. Iske baad hasi ne suresh raina (25 geind par 44 run) ke saath doosare wicket ke liye 55 run ki upayogi paartanaraship ki. Hasi aur saaha ne power play ke chhah over mein 67 run jode. Kekeaar ne bhi power play mein 63 run banaae jismein dark naanej ke pehle over mein 12 atirikt ranon sahit bane 18 run bhi shaamil hain. Kekeaar ne is beech captain Gautam gambhir (14) aur braindan maikalam (6) ke wicket ganva diye. Murali vijay ki jagah khel rahe saaha aur hasi ne kekeaar ke tej aur spin mishrit aakraman ko baikafut par bhejane mein koi kasar naheen chhodi. Hasi ne lakshmeepati Balaji ko pehle hi over mein teen chauke jadkar 14 run banaae. Saaha ne agale over mein shami Ahmad ko do chauke aur ek chhakka lagaaya. Spinner suneel naraayan aur Jack kaalis ki bhi jamkar dhunaai hui. Chennai ke 100 run sirf 10 over mein ban gaye. Hasi ne apni half century 31 baulon mein saat chaukon aur ek chhakke ki madad se poori ki. Kekeaar ko pehli safalta 11vein over mein mili jab rajat Bhatia ki geind par saaha mid-wicket par morgan ko catch dekar pavilion laute. Iske baad raina ne bakhoobi jimma sambhaala tatha apni dilkash paari mein chaar chauke aur ek chhakka lagaaya. Yah unka IPL mein 100vaan chhakka tha. Gale ke baad vah doosare ballebaaj hain jinhonne yah upalabdhi haasil ki. Hasi shatak ke kaafi kareeb the aur unhonne naraayan ki geind par chhakka jadkar shaahi andaaj mein saikada poora karne ka fai kaptaan Mahendra Singh Dhoni ne 12 geind mein 18 run banaakar chennai ko 200 run tak pahunchaaya. Bisla ne chennai ko hasi ka achha javaab diya. Unhonne 61 baulon par 14 chaukon aur do chhakkon ki madad se 92 run ki jaanadaar paari kheli. Unhonne eon morgan (22 geind par 32 run) ke saath keval chhah over mein 79 run ki saajhedaari ki. Kekeaar ko aakhiri teen overon mein jeet ke liye 50 run chaahiye the. 18vaan over feinkane aae naanej par morgan aur bisla ne 21 run batorkar match romaanchak bana diya. Bisla ne is over mein ek chhakke ke alaava do chauke bhi jamaae aur is beech apne IPL career ka pichhla savorchch score paar kiya. Jab das geind par 23 run chaahiye the tab bisla run out ho gaye. Bravo ke is over mein das run bane, jisse kekeaar ko aakhiri over mein 19 run banaane ki chunauti mili, lekin kris mauris ne shaanadaar geindabaaji ki aur keval chaar run diye.

IPL 6 Romaanchak Match Mein Chennai Ne Kekeaar Ko Haraaya https://www.angrejinews.com/pic/7020