IPL-6 Rajasthan Ne Punjab Ko 6 Wicket Se Haraaya

Cricket »

IPL-6 Rajasthan Ne Punjab Ko 6 Wicket Se Haraaya

Jaipur. . Jaipur ke savaai Mansingh stadium mein ravivaar ko khele gaye IPL ke doosare match mein Rajasthan Royals ne kings eleven Punjab ko aasaani se 6 wicket se hara diya. Rajasthan Royals ke bowlers ne pehle Punjab ki paari 18.5 overon mein 124 run par sameti. Iske baad uske ballebaajon ne 4 wicket ke nuksaan par 4 geindein baaki rahate yah taaraget haasil kar liya. Rajasthan ki taraf se siddhaarth trivedi, shreeshaant, koopar aur faukanar ne do-do wicket jhatke. Match ka poora skorakaard yahaan dekhein jeet ke liye 125 run ke aasaan taaraget ka peechha karne utare Rajasthan Royals ko Shane Watson aur ajinkya rahaane ne shaanadaar shuruaat di. Donon ne pehle wicket liye 43 run jode. Shane Watson 19 baul par 32 run banaakar out hue. Rajasthan ko doosra jhatka jald laga. Rahul Dravid 9 run banaakar out hue. Ajinkya rahaane ek chhor par date rahe. Unhonne not-out 34 run banaakar team ko jeet dilvaai. Sanjoo Samson 27 run banaakar not-out rahe. Pauints tebal: Dekhein kaun si team kahaan isse pehle kaptaan Adam Gilchrist (0) sahit kai pramukh khilaadiyon ki naakaami ke kaaran kings eleven team toss haarne ke baad pehle ballebaaji karte hue 18.5 overon mein sabhi wicket ganvaakar 124 run hi bana saki. Mehmaan team ke liye David hasi ne sabse adhik 41 run banaae. Gilchrist, mandeep Singh (2), manan vohara (3, gurakeerat Singh (10), aar sateesh (11), peeyoosh Chawla (7), paravindar avaana (0) naakaam rahe. Hasi ne apni 31 geindon ki aakarshak paari mein chaar chauke aur ek chhakka lagaaya. IPL mein khel rahe Pakistani mool ke ekamaatr khilaadi Azhar Mehmood (23) ne kuchh aakarshak shot lagaae lekin doosare chhor par kisi ka saath nahi milne ke kaaran vah apni team ko sammaanajanak yog tak naheen pahuncha sake. Varsh 2008 mein khitaab jeetne waali Rajasthan Royals team ke geindabaajon ne apne kaptaan Rahul Dravid ke toss jeetkar pehle geindabaaji karne ke faisale ko sahi saabit kiya. Shaantaakumaaran shreeshaant ne apne pehle aur paari ke doosare over mein do tagade jhatke diye. Salaami ballebaaj Gilchrist aur mandeep is over mein pavilion laute. Us samay tak kings eleven ke khaate mein sirf chhah run jude the. Iske baad 10 run ke kul yog par James faulkar ne manan ko run out karke mehmaan team ko teesara jhatka diya. Manan ke out hone ke baad gurakeerat aur hasi ne chauthe wicket ke liye 35 run jode. Gurakeerat 45 run ke kul yog par out hue. Iske baad sateesh aur hasi ne score ko 67 tak pahunchaaya lekin faulkar ne sateesh ko out karke kings eleven ko paanchavaan jhatka diya. Hasi 75 run ke kul yog par siddhaarth trivedi ki geind par Dravid ke haathon lapke gaye. Fir 92 ke kul yog par Chawla ko kevan koopar ne ajinkya rahaane ke haathon catch karaaya. Mehmood khatarnaak hote dikh rahe the lekin koopar ne 104 ranon ke kul yog par unhein out karke apni team ka kaam aasaan kiya. Mehmood ne 20 geindon par teen chauke lagaae. Paari ke antim kshanon mein praveen Kumar (15) ne kuchh aakarshak shot lagaae. Praveen ne saat geindon ka saamana karte hue do chauke aur ek chhakka lagaaya. Praveen 124 ke kul yog par run out hue. Iske baad agali hi geind par avaana ne faukanar ki geind par catch thama diya.

IPL-6 Rajasthan Ne Punjab Ko 6 Wicket Se Haraaya https://www.angrejinews.com/pic/5535