IPL-6 Rajasthan Ne Kekeaar Ko Haraaya

Cricket »

IPL-6 Rajasthan Ne Kekeaar Ko Haraaya

Jaipur. . Kevon koopar, siddhaarth trivedi aur Rahul shukla ki shaanadaar geindabaaji ke dam par Rajasthan Royals ne kekeaar ko 19 run se haraakar IPL ke is season mein apni lagaataar doosari jeet darj ki. 145 run ke taaraget ke javaab mein kekeaar ki team over mein 19 over mein 125 run banaakar ol out ho gayi. Kekeaar ke liye morgan ne sirf 38 gaindo par 51 ranon ki shaanadaar paari kheli. Jabki Rajasthan ke liye koopar aur siddhaarth ne 3-3 jabki Rahul ne 2 wicket jhatke. Rajasthan ke liye braid hauj ne sabse adhik 46 ranon ki paari kheli. Dekhein skorakaard 145 run ke lakshya ka peechha karne utari kekeaar ke kaptaan Gautam gambhir ne pehle over mein shreesant ke khilaaf 14 run thokakar achhi shuruaat ki. Lekin teesare over mein Rahul shukla ne teen geindon ke andar do wicket lekar kekeaar ko baikafut par la diya. Rahul ne pehle bisla ko 1 run ke niji score par bold kiya fir ek geind baad hi Kallis ko bina khaata khole wicket-keeper ke haathon catch out kara diya. Iske baad 7vein over mein siddhaarth trivedi ne kekaaar ko do bade jhatke diye. Pehle unhonne manoj tivaari ko 14 run ke niji score par LBW out kiya fir isi over ki paanchavi geind par gambhir ko wicket-keeper yaajnyaanik ke haathon catch out kara diya. Gambhir ne 22 run banaae. Iske agale over mein koopar ne Yusuf pathaan ko bina khaata khole out karke kekeaar ka score 44 run par paanch wicket kar diya. Siddhaarth ne kekeaar ki mushkilein aur badhaate hue 11vein over mein lakshmeeratan shukla ko 2 run ke niji score par out karke kekaaar ko chhatha jhatka diya. Iske baad morgan aur rajat Bhatia ne teji se run batorana shuroo kiya aur 3. Over mein 34 run jode. Bhatia 12 run banaakar shaun tet ka shikaar bane. Bret li bhi sirf 5 run banaakar shreesant ki geind par out ho gaye. Morgan ne shaanadaar batting ki lekin kekeaar ko jeet naheen dila sake. 19vein over ki pehli geind par morgan koopar ka shikaar bane aur match kekeaar ke haath se nikal gaya. Isse pehle kekeaar ke kaptaan Gautam gambhir ne pehle boling karne ka faisala kiya. Pehle batting karte hue Rajasthan ne braid hauj ke shaanadaar 46 run aur ajinkya rahaane ke 36 ranon ki badaulat kharaab shuruaat se ubarate hue 20 overon mein 6 wicket par 144 run ka sammaanajanak score khada kiya. Rajasthan ki shuruaat kharaab rahi aur Shane Watson sirf 5 run banaakar bret li ki geind par bold ho gaye. Iske baad rahaane aur Dravid ne milkar paari ko aage badhaaya. Doosare wicket ke liye in donon ne 5.2 over mein 35 run jode. Lekin 46 run ke score par Dravid 17 run banaakar rajat Bhatia ki geind par bold ho gaye. Delhi ke khilaaf pichhle match mein shaanadaar batting karne vaale stuart binni yahaan jyaada kamaal naheen dikha paae aur sirf 14 run banaakar lakshmi ratan shukla ki geind par LBW out ho gaye. Iske baad ajinkya rahaane aur braid hauj ne chauthe wicket ki saajhedaari mein 5.1 over mein 38 run jodte hue sthiti sudhaarane ki koshish ki lekin 101 run ke score par rahaane 36 run banaakar suneel Narayan ki geind par chakama kha gaye aur wicket-keeper bisla ne unhein catch out kar diya. Isi over ki agali geind par Narayan ne koopar ko bina khaata khole bisla ke haathon stamp kara diya. Ek samay Rajasthan Royals ki team 18 overon mein 5 wicket khokar 114 run banaakar sangharsh kar rahi thi. Lekin paari ke 19vein over mein suneel naaraayan ke khilaaf dishaant yaajnyaanik aur braid hauj ne milkar 18 run thok daale. In donon ne sirf 3.4 over mein 36 run ki tej saajhedaari karke Rajasthan Royals ko 20 over mein 6 wicket par 144 run ke score tak pahuncha diya. Yaajnyaanik paari ke aakhiri over mein 16 run banaakar run out hue. Braid hauj ne sirf 31 geindon par 7 chaukon ki madad se 46 ranon ki aakraamak paari kheli.

IPL-6 Rajasthan Ne Kekeaar Ko Haraaya https://www.angrejinews.com/pic/4880