IPL-6 Punjab Ki Pune Par Shaanadaar Jeet

Cricket »

IPL-6 Punjab Ki Pune Par Shaanadaar Jeet

Pune. . Pune mein ravivaar ko khele gaye IPL ke ektarfa match mein kings eleven Punjab ne apne shaanadaar khel ke dam par Pune Warriors ko 8 wicket se hara diya. Pune ko khel ke har kshetr mein maat dete hue Punjab ne sirf 12.2 over mein hi jeet haasil kar liya. 100 run ke chhote taaraget ka peechha karne utari Punjab ki team ke liye manan vohara ne 43 aur manadeep Singh ne 31 ranon ki paariyaan kheleen. Isse pehle Punjab ki behatareen boling ke saamane ghutne tekate hue Pune ki team 20 overon mein 9 wicket par sirf 99 run hi bana saki thi. Dekhein poora skorakaard chhote taaraget ka peechha karne utari Punjab ki team ko Gilchrist ne toofaani shuruaat dilaai aur pehle wicket ke liye manadeep Singh ke saath sirf 2.2 over mein 21 run jode. Gilchrist 15 run banaakar Matthews ka shikaar bane. Iske baad manadeep Singh aur manan vohara ne Punjab ki paari ko teji se aage badhaaya. Ashok dinda ke chauthe avar mein manadeep aur vohara ne milkar 21 run jode, jinmein vohara ke 4 lagaataar chauke shaamil the. In donon ne doosare wicket ke liye 7.2 over mein 58 run ki saajhedaari ki. Manadeep Singh 26 geindon par 31 run banaakar Rahul sharma ki geind par bold hue. Kharaab batting ke saath-saath Pune ki team ne kharaab boling aur feelding bhi ki. Kai catch bhi tapakaae. Isse pehle ghareloo maidaan par apna pehla match khelne utari Pune Warriors ki team 20 overon mein 9 wicket khokar sirf 99 run hi bana saki. Yah is IPL mein ab tak kisi bhi team ka nyoonatam score hai. Pune ka batting order kings eleven Punjab ki shaanadaar boling ke saamane tik naheen saka. Kaptaan Angelo Matthews ka toss jeetkar pehle batting karne ka faisala niraashaajanak saabit huaa. Pune ki haalat itni kharaab thi ki 10 over mein mahaj 38 run tak aadhi team pavilion laut chuki thi. Pune ka koi bhi baitsamain jyaada der tak tik naheen saka. Pune ke liye Abhishek Nair ne sabse adhik 26 run banaae. Unhonne 25 geindon ki apni paari mein 3 chauke lagaae aur ant tak out naheen hue. Punjab ke liye Azhar Mehmood ne kasi hui geindabaaji karte hue 4 over sirf 19 run dekar 2 wicket liye, jabki praveen Kumar ne 31 run dekar 2 wicket jhatke. Pune ki shuruaat kharaab rahi aur pehle hi over mein maneesh Pande bina khaata khole praveen Kumar ki geind par bold ho gaye. Pune ka doosra wicket ti. Suman ke roop mein gira, jinhein 6 run ke niji score par Azhar Mehmood ne out kiya. Samuels sirf 3 run banaakar run out ho gaye, jabki raubin uthppa 19 run banaakar peeyoosh Chawla ki geind par bold ho gaye. Kaptaan Angelo Matthews bhi jyaada der tik naheen sake aur avaana ki geind par sirf 4 run banaakar Gilchrist ke haathon catch out hue. Praveen Kumar ki geind par baaundri line par gurukeerat Singh ne Ross Taylor ka jabardast catch pakada. Taylor ne 19 run banaae. Iske baad Abhishek Nair aur Michelle marsh ne Pune ki vaapasi ki koshish mein kuchh bade achhe shot lagaae, lekin abhi Pune ka score 78 run hi pahuncha tha ki Michelle marsh ko reyaan hairis ne bold kar diya. Marsh ne sirf 8 geindon par 1 chauke aur 1 chhakke ki madad se 15 run banaae. Bhuvaneshvar Kumar 8 run banaakar Azhar Mehmood ka shikaar bane, jabki Rahul sharma 1 run banaakar Pune ki paari ki aakhiri geind par run out hue.

IPL-6 Punjab Ki Pune Par Shaanadaar Jeet https://www.angrejinews.com/pic/4751