IPL 6 Kings XI Ko Dhone Ki Koshish Kareinge Royals

Cricket »

IPL 6 Kings XI Ko Dhone Ki Koshish Kareinge Royals

Jaipur. . Pune Warriors ke haathon chaunkaane waali haar se chaukas hui Rajasthan Royals Indian Premier league (IPL) -6 ke match mein Sunday ko yahaan kings eleven Punjab ke khilaaf jeet ki laya paane ki koshish karegi. Ghareloo darshakon aur savaai Mansingh stadium ki pitch se mil rahi madad ka Rajasthan Royals poora faayda uthaana chaahegi,lekin jeet ki laya mein lautane ke liye unhein Pune se mili haar ko bhoolana hoga. Rajasthan Royals ki team kings eleven ko 'Royal' andaaj mein chaileinj dene utaregi. Fitness bani chinta: Rajasthan Royals ke liye final eleven ka silekshan aasaan naheen hoga. All-rounder Shane Watson tatha pesar shaun tet aur Rahul shukla ki fitness ab bhi Royals ke liye chinta ka sabab hai. Watson ke aane se nishchit taur par team ko majabooti mili hai, lekin yah Australiaee keval ek match khela hai. Jismein Watson ne 10 geind ka saamana karke paanch run banaae. Yadi vah fit ghoshit kar diye jaate hain to badi paari khelne ki koshish kareinge. Meediym pesar S. Shreeshaant ne shukravaar ko 'Thappad kaand' par 44 baar tweet karke nai bahas shuroo kar di hai. Isse unka pradarshan prabhaavit ho sakta hai. Royals ne lagaataar do jeet se tournament ki shuruaat ki thi lekin Pune se karaari haar ke kaaran vah thoda baikafut par chala gaya hai. Pune ne saat wicket ki jeet se apni 11 haar ka kram toda tha. Royals ko vaapasi ghareloo maidaan par khelne ki khushi hogi. Batting hai behtar: Rajasthan Royals ki batting behtar lag rahi hai. Ajinkya rahaane aur Rahul Dravid achhi form mein hain. IPL -6 mein sabse umradaraaj bhaarateeya khilaadi hone ke baavajood Dravid ne do half century jadi hain. Rahaane ne bhi 30, 36 aur 38 run ki teen paariyaan kheli hai. Midlaordar mein braid hauj teji se run banaane mein maahir hain. Anushaasit bauling ki jaroorat: Royals ke baulars ko thoda anushaasit hona hoga. Pune ke khilaaf match mein shreeshaant mahange saabit hue the. Tasmaaniya ke all-rounder James Falkner ne apne pehle match mein prabhaavit kiya jabki siddhaarth trivedi ne bhi achha bauling ki hai. Kings nae sire se shuruaat ko betaab: Kings eleven Punjab ki team ek jeet aur ek haar ke saath yahaan pahunchi hai. Chennai super kings ke pichhle match mein das wicket ki karaari haar se usaka manobal prabhaavit huaa hai. Punjab ne Pune par aath wicket ki shaanadaar jeet se shuruaat ki. Uske khilaadi pichhli haar ko bhulaakar nae sire se shuruaat karna chaaheinge. Uske paas sandeep sharma aur manan vohara jaise udeeyamaan khilaadi hain. Poorv Australiaee wicket-keeper Adam Gilchrist ke captain hone ke kaaran unke paas anubhav ki bhi kami naheen hai. Majaboot hai batting: Captain Adam Gilchrist ke alaava David hasi aur mandeep Singh kings eleven ki batting ko majabooti dete hain. Azhar Mehmood ke roop mein kings ke paas upayogi all-rounder hai. Praveen Kumar uske pace ataik ki aguvaai kareinge, jismein reyaan hairis, Mehmood aur paravindar avaana unka saath deinge. Punjab ki team khud ko yahaan ke haalaat ke mutaabik dhaalane se ke liye pichhle do din se yahaan hai. Yah match bhi usi pitch par khele jaane ki sambhaavana hai jis par Rajasthan ki team ne Kolkata night Riders (kekeaar) ko haraaya tha.

IPL 6 Kings XI Ko Dhone Ki Koshish Kareinge Royals https://www.angrejinews.com/pic/5466