IPL-6 Hyderabad Ne 22 Run Se Pune Ko Haraaya

Cricket »

IPL-6  Hyderabad Ne 22 Run Se Pune Ko Haraaya

Hyderabad. . Amit mishra(19/3), Dale sten(11/3) aur parera (29/2) ki shaanadaar geindabaaji ke dam par sunrisers Hyderabad ne Pune Warriors ko 22 run se haraakar apne abhiyaan ki shaanadaar shuruaat ki. Hyderabad se jeet ke liye mile 127 run ke chhote taaraget ka peechha karte hue Pune ki team 18.5 over mein sirf 104 run banaakar ol out ho gayi. Pune ki paari ki shuruaat karne aae raubin uthappa aur maneesh paandeya ne dheemi shuruaat ki aur 6.5 over mein sirf 36 run jode. Isi score par uthappa 24 run banaakar tisaara parera ka shikaar bane. Samuels bhi sirf 5 run banaakar parera ka doosra shikaar bane. Cancer ke kaaran pichhla IPL season naheen khel paane vaale Yuvraj Singh bhi sirf 2 run banaakar amit mishra ki geind par out ho gaye. 12vein over mein amit mishra ne hi maneesh paandeya ko Cameroon ke haathon catch karaakar Pune ko chautha jhatka diya. Ross Taylor aur Abhishek Nair ne paanchave wicket ke liye 33 run jodkar vaapasi ki koshish ki lekin amit mishra ne apni firki ka kamaal dikhaate hue Nair ko 19 run ke niji score par ishaant sharma ke haathon catch out kar diya. 3 run baad hi Ross Taylor 19 run banaakar akshat Reddy ka shikaar ban gaye. Iske baad apni behatareen geindabaaji ke dam par Hyderabad ne Pune ke liye run banaana mushkil kar diya. 19vein over mein sten ne 4 geindon ke andar teen wicket lekar Pune ki team ko 18.5 overon mein 104 run par samet diya. Sten aur amit mishra ne Hyderabad ke liye sabse adhik 3-3 wicket liye jabki parera ne 2 wicket liye. Isse pehle Deccan Chargers se sunrisers bani Hyderabad ki team Pune Warriors ke saath IPL-6 mein apne pehle match mein toss haarakar pehle batting karte hue 20 over mein 6 wicket khokar 126 run hi bana saki. Hyderabad ke liye parera ne sabse adhik 30 aur akshat ne 27 ranon ki paari kheli. Pune ke liye ashok dinda ne sabse adhik 2 wicket liye. Jabki bhuvaneshvar, Yuvraj Rahul aur Samuels ko 1-1 wicket mila. Pune ke kaptaan ainjelo Matthews ne toss jeetkar pehle boling ka faisala kiya. Pune ki kasi hui geindabaaji ke saamane sunrisers ke ballebaajon ko run banaane ke liye joojhna pada. Sunrisers ka koi bhi ballebaaj tik kar naheen khel saka. Sunrisers ki shuruaat achhi naheen rahi aur chauthe over mein jab team ka score 34 run tha to paarthiv Patel ko ashok dinda ne bold kar diya. Patel ne 18 geindon mein 3 chaukkon ki madad se 19 run banaae. Iske baad kaptaan sangakaara ne akshat ke saath paari ko aage badhaaya lekin 60 run ke score par sangakaara 15 run banaakar Rahul sharma ki geind par bold ho gaye. Akshat Reddy ko 27 run ke niji score par Yuvraj Singh ne bold kar diya. Akshat ne 30 geindon par 2 chaukon ki madad se 27 run banaae. Pichhle season mein Deccan ke liye shaanadaar ballebaaji karne vaale Cameroon white bhi jyaada der tak tik naheen sake aur 10 run banaakar Samuels ki geind par Michelle maursh ke haathon catch out ho gaye. Tisaara parera bhi run rate badhaane ki koshish mein kuchh aakraamak shot khele lekin bada shot khelne ke chakkar mein dinda ki geind par maneesh paandeya ko catch thama baithe. Parera ne sirf 18 geindon par 3 chaukaun aur 1 chhakke ki madad se 30 ranon ki tej paari kheli. Hanuma vihaari 11 run banaakar bhuvaneshvar Kumar ka shikaar bane.

IPL-6 Hyderabad Ne 22 Run Se Pune Ko Haraaya https://www.angrejinews.com/pic/4614