IPL-6 Fir Daudega Cricket Ka Karant
Cricket » Tuesday, April 2, 2013
Shankar Singh. . Masaala cricket apne chhathe padaav par kadam rakh chuka hai. Pichhle paanch season ke dauraan ground ke andar aur baahar ke kai vivaad iske seene mein dafan hain. Kai diggaj khilaadi cricket ke is modern market mein beaabaroo hue hain, to kai yangastars apna jalwa dikhaakar safalta ki seedhiyaan chadhne mein bhi safal rahe. Ful entertainment ki guaranty vaale is game mein videshi khilaadi bhi khoob chamake hain. Deshi aur videshi khilaadiyon ke 'Mikschar' waali city besd teemein abaki baar kuchh nae kalevar mein dikh rahi hain. Indian Premier league (IPL) ka khumaar kuchh aisa hai ki murde mein bhi jaan aa jaae. Pichhli baar hue najadeeki mukaabalon se IPL-6 ke aur jyaada romaanchak hone ki aas hai. Baharahaal, baulivud ka tadka taabadtod ke is baajaar ko superhit bana deta hai. Tasveeron mein dekhein: IPL ki kauntrovarseejakriketaron ka krej kai diggaj star cricketer bhale hi saal bhar choton ki vajah se maidaan se out rahe. Lekin IPL ke aate hi unhein sanjeevani mil jaati hai. Paison ke is khel mein vah apna sabkuchh taak par rakhane se naheen chookate hain. Harek khilaadi apni poori taakat jhonkata hai, jisse taabadtod khel ka maja duguna ho jaata hai. Umradaraaj khilaadiyon par bhi khud ko saabit karne ka hoga preshar. Intaranaishanal cricket ko alvida kah chuke in cricketeron ko is 'Suparafaast game' mein taalamel bithaane ke liye jaddojahad kareinge. Kai gumanaam yuva khilaadi is rangeen maahaul mein apni maujoodagi darj karaakar hit hona chaahate hain, jisse paida hoga karant. Klik karein aur dekhein IPL-6 ka shedyoolaentaratenameint ka maja agale 54 din tak 9 teemon ke beech 76 match 13 shaharon mein khele jaaenge. Is dauraan kareeb 270 khilaadiyon ke beech apna jalwa dikhaane ki hod hogi. Kuchh ko pleing eleven mein jagah milegi, to kuchh Doug out area mein baithane ke liye tarasate dikheinge. Lekin graaunds par hone waali jang cricket fains ko jaroor romaanchit karegi. Ek team mein ek saath khelne vaale khilaadi jab honge aamne-saamane to fir kareinge ek-doosare ki kamjori par vaar. Baul aur bait ki is jang mein dikhega jabardast shah-maat ka khel. Yaad keejiye pehle season mein performance ka preshar kis kadar haavi raha hoga, jab Harbhajan Singh ne S. Shreesant ko match khatm hone ke baad thappad jad diya tha. Vivaad ki baat freinchaaiji cricket ke is kaarobaar mein duniya karodon rupaye kharch kar rahi hain. Har haalat mein munaafa kamaane ki maanasikta ke saath maidaan par utarane waali in corporate kalchar waali companiyon ke beech gala kaat pratispardha hai. Isse maidaan ke andar aur baahar vivaadon ka janm hota rahata hai. Pehle season mein kai naami cricketeron ko tournament ke beech se hi vaapas lauta diya tha. Der raat ki paatiryon se panape kalchar ne bhi cricket ko badnaam karne ka kaam kiya. Pichhle season mein hi chhedchhaad, fixing aur drags kaand ke khulaase ne BCCI ke kaan khade kar diye. Is baar Tamil Nadu ke mukhyamantri jayalalita ke shreelankaai khilaadiyon ko chennai mein naheen khelne dene farmaan ke aage BCCI jhuk gaya hai. Lekin aap cricket ke is daudte karant ka leejiye poora lutf aur dekhte jaaie aage-aage hota hai kya.