IPL 6 Chennai Ne Kolkata Ko 4 Wicket Se Haraaya

Cricket »

IPL 6 Chennai Ne Kolkata Ko 4 Wicket Se Haraaya

Kolkata. . Eden gardens mein khele gaye IPL mukaabale mein chennai super kings ne Kolkata night Riders ko 4 wicket se hara diya. Kolkata ke teen ballebaajon ko pavilion bhejane vaale all-rounder Ravindra jadeja ne chhakka lagaakar chennai ko jeet dilaai. KKR Vs CSK : Skorakaard dekhein salaami ballebaaj Michael hasi (40) aur Ravindra jadeja (36) ki shaanadaar ballebaaji ke dam par chennai ne Kolkata ko uske ghareloo maidaan par dhool chataai. Haalaanki 120 run ke taaraget ka peechha karne utari chennai ki shuruaat achhi naheen rahi thi. Michael hasi ke saath paari ki shuruaat karne aae aar Ashwin paanchavein over mein 11 run banaakar suneel Narayan ka shikaar hue. Iske baad murali vijay (02), suresh raina (07), Mahendra Singh Dhoni (09) aur S badreenaath (06) dahaai ka aankada paar karne mein bhi naakaam rahe, lekin Ravindra jadeja ne 14 geindon mein 3 chauke aur itne hi chhakkon ki madad se 36 run ki shaanadaar paari khelkar chennai ko jeet dilaai. Dekhein: IPL ka point table isse pehle toss jeetkar pehle ballebaaji karte hue Kolkata ne 20 overon mein 09 wicket ke nuksaan par 119 run banaae the. Kaptaan Gautam gambhir ke saath aakraamak ballebaaj Yusuf pathaan ne aaj paari ki shuruaat ki. Gambhir ne 19 geindon mein 5 chaukon ki madad se 25 run banaae. 46 ke score par Gautam gambhir ko kris mauris ne pavilion bheja. Unke out hote hi Kolkata ke wicketon ki jhadi lag gayi. 47 ke score par unke sabse bharosanmand ballebaaj Jack kaalis bina khaata khole pavilion laut gaye. Kaalis ke baad batting ke liye aae Ian maurgan bhi kuchh khaas naheen kar sake aur 50 ke score par teen run banaakar chalte bane. Team ko chautha jhatka 55 ke score par opener Yusuf pathaan ke roop mein laga. Yusuf ne team ko badhiya shuruaat dilaai aur 22 geindon mein 4 chaukon ki madad se 25 run banaae, lekin score badhaane ki jaddojahad mein jaari bhaagamabhaag mein vah run out ho gaye. Haalaanki Yusuf ke jaane ke baad devavrat das (19) aur manoj tivaari (13) kuchh der tak crease par jaroor rahe, lekin 82 run ke score par das ke wicket ke patan ke saath hi ek baar fir Kolkata ki haalat past ho gayi aur unke liye wicketon ka patajhad aa gaya. Rajat Bhatia (01) aur lakshmi ratan shukla (01) ko Ravindra jadeja ne pavilion ki raah dikha di. Iske baad jadeja ne do chhakke jadkar match mein romaanch laane vaale suneel Narayan ko 13 ke niji score par out kar chennai ko 9veen safalta dilaai. Jadeja ne chaar overon mein 20 run dekar teen wicket jhatke, vaheen aar Ashwin ne Kolkata ke do ballebaajon ko pavilion bheja. Kris mauris aur brevo ko 1-1 wicket mila.

IPL 6 Chennai Ne Kolkata Ko 4 Wicket Se Haraaya https://www.angrejinews.com/pic/6225