IPL-6 Chennai Ne Hyderabad Ko 77 Run Se Haraaya

Cricket »

IPL-6 Chennai Ne Hyderabad Ko 77 Run Se Haraaya

Hyderabad. . Suresh raina aur maaik hasi ki dhamaakedaar batting ke baad apne bowlers ke shaanadaar pradarshan ki badaulat chennai ne Budhvaar ko khele gaye IPL ke match mein Hyderabad ko 77 run se hara diya. 224 run ke vishaal taaraget ka peechha karne utari Hyderabad ki team 20 overon mein 8 wicket khokar 146 run hi bana saki. Isse pehle suresh raina ki naabaad 99 run ki paari tatha Michael hasi ke saath unki doosare wicket ke liye 133 run ki saajhedaari se chennai Superkings ne teen wicket par 223 run ka vishaal score khada kiya. Dekhein match ka poora skorakaard raina ko century poori karne ke liye paari ki aakhiri geind par chhakke ki darkaar thi lekin is par vah chauka hi laga paae. Is tarah se vah IPL mein 98, 99 aur 100 run banaane vaale pehle ballebaaj ban gaye. Unhonne 52 geind ki apni paari mein 11 chauke aur teen chhakke lagaaye. Hasi ne 42 geind par 67 run banaae jismein paanch chauke aur chaar chhakke shaamil hain. Sunrisers ki taraf se teenon wicket tisaara parera ne liye lekin iske liye unhonne 45 run kharch kiye. Sunrisers ke liye toss jeetne aur Dale sten ke overon ke alaava kuchh bhi sakaaraatmak naheen raha. Chennai ke ballebaajon ne sten ko poora sammaan diya lekin unhonne doosare chhor se Ishaant sharma ko nishaana banaakar dabaav hataaya. Sten ne chaar over mein 17 run diye. Iske ulat Ishaant ki geindon ki buri tarah dhunaai ki gayi. Unhonne apne chaar over mein 66 run diye. Yah IPL mein doosra sabse kharaab geindabaaji pradarshan hai. Hasi ne doosare over mein Ishaant par do chauke jadkar shuruaat ki. Unki jagah tisaara parera ko geind saunpi gayi to unke over mein teen chauke pade. Inmein se do chauke vijay ne jamaaye the. Ishaant chhor badalkar geindabaaji karne aae lekin isse unka bhaagya naheen badla. Vijay ne unki lagaataar teen geindon par chhakke jadkar Hyderabad ko tharra diya.

IPL-6 Chennai Ne Hyderabad Ko 77 Run Se Haraaya https://www.angrejinews.com/pic/8092