IPL-6 Bengaluru Ne Mumbai Indians Ko 2 Run Se Haraaya

Cricket »

IPL-6 Bengaluru Ne Mumbai Indians Ko 2 Run Se Haraaya

Bengaluru. . Bengaluru mein khele gaye IPL-6 ke doosare match mein Gale ki dhamaakedaar paari ki badaulat Bengaluru ne ek romaanchak mukaabale mein Mumbai Indians ko 2 run se hara diya. Jeet ke liye 157 run ka peechha karne utari Mumbai ki team 20 over mein 5 wicket khokar 154 run hi bana saki. Mumbai ke liye dinesh kaartik ne sabse adhik 37 geindon par 60 ranon ki shaanadaar paari kheli aur match ke antim over mein out hue. Dekhein poora skorakaardaantim overon mein dinesh kaartik ki aakraamak ballebaaji ne Mumbai Indians ki ummeed jaga di thi. Unhonne 17vein over mein Daniel krischiyn ki lagaatar teen geindon par chhkka aur 1 chauka jadte hue 24 run batore aur is over se pehle Mumbai ko 24 geindon par 51 run ki jaroorat thi. Lekin jeet antat: Bengaluru ke khaate mein gayi. Mumbai ke liye opening karne utare master blaastar sachin Tendulkar aur Ricky Ponting ne sanbhalakar paari ki shuruaat ki. In donon ne 7.3 over mein 52 run ki saajhedaari ki thi ki tabhi sachin 23 run banaakar run out ho gaye. Tendulkar ne 19 geindon mein 4 chaukon ki madad se 23 run banaae. 10vein over mein 62 run ke score par Ricky Ponting murali kaartik ka shikaar bane. Poting ne 33 geindon par ek chauke aur ek chhakke ki madad se 28 run banaae. Iske baad 82 run ke score par vinaya Kumar ne rohit sharma ko 11 run ke niji score par bold karke Mumbai ko teesara jhatka diya. Isse pehle toss haarakar pehle ballabaaji karne utari aaraseebi ki team ne kris Gale ki dhamaakedaar ballebaaji ki madad se shuruaati jhatakon se ubarate hue 20 over mein 5 wicket khokar 156 run ka sammaanajanak score khada kiya. Gale ne sirf 58 geindon par 11 chaukon aur 5 chhakkon ki madad se 92 ranon ki shaanadaar paari kheli aur naabaad laute. Mumbai Indians ke kaptaan Ricky Ponting ne toss jeetkar pehle geindabaaji ka faisala kiya. Michelle Johnson ne teesare over mein dilshaan ko bina khaata khole shoonya run par out karke Mumbai ko shaanadaar shuruaat dilaai. Iske baad kaptaan viraat Kohli ne taabadtod andaaj mein ballebaaji karte hue sirf 14 gaindo par 4 chaukon aur 1 chhakke ki madad se 24 run banaae lekin isse pehle ki Kohli badi paari khel paate Mumbai ke nae geindabaaj jasapreet bumaraah ne unhein LBW out kar diya. Iske baad ek chhor se Mumbai ke wicket girte rahe lekin kris Gale ne apne jaane-pahachaane andaaj mein khelte hue dhunaadhaar batting ki Bengaluru ka teesara wicket 7 vein over mein mayank Agrawal ke roop mein gira. Tab Bengaluru ka score tha 31 run. Mayank ko bumaraah ne sachin ke haathon catch karaaya. Mayank sirf 1 run hi bana sake. 9vein over mein Gale ne bumaraah ki do lagaataar geindon par ek chauka aur chhkka jadkar apne aakraman ki shuruaat ki. Jabik 11vein over mein Gale ne Pollard ke khilaaf do chauka aur ek chhakka jadte hue 15 run batore. 12vein over mein Harbhajan Singh ne Daniel krischiyn ko 4 run ke niji score par out karke Bengaluru ko chautha jhatka diya. Agale over mein bumaraah ne karun Nair ko bina khaata khole hi out kar diya. Isi beech shaanadaar ballebaaji kar rahe kris Gale ne 15 vein over mein sirf 38 geindon par 7 chaukon aur 2 chhakke ki madad se apne 50 run poore kiye. Bengaluru ke 100 run 15vein over mein bane. Gale ka kahar iske baad bhi jaari raha. 16vein over mein unhonne Harbhajan Singh ke khilaaf chhakka jada jabki 18vein over mein munaaf Patel ke khilaaf do chauke aur ek chhkka jada. Bengaluru ki paari ke aakhiri over mein Gale ne ek baar fir apna kamaal dikhaate hue munaaf Patel ke khilaaf do chauke aur ek chhkka jada. Is over mein kul 16 run bane aur ant mein Bengaluru 20 over mein 5 wicket ke nuksaan par 156 run ka sammaanajanak score banaane mein kaamayaab raha. Karun Nair ne 19 geindon par 19 run ki naabaad paari kheli. Mumbai ke liye jasapreet bumaraah ne sabse adhik 3 wicket liye. Jabki Harbhajan Singh aur Johnson ne 1-1 wicket liya.

IPL-6 Bengaluru Ne Mumbai Indians Ko 2 Run Se Haraaya https://www.angrejinews.com/pic/4477