ICU Se Baahar Aakar JC Rider Ne Kaha, 'Main Theek Hoon

Cricket » Sunday, March 31, 2013

Velingatan. . Kraaistacharch baar ke baahar hamle mein sir aur fefadon mein gambhir chot lagne ke teen din baad New Zealand ke cricketer JC rider ICU se baahar aa gaye aur unhonne apne shubhachintakon se kaha ki 'Main theek hoon'. Kraaistacharch aspataal mein rider ab general vaurd mein hain aur unki haalat sthir hai. Rider ne New Zealand cricket ki press vigyapti mein kaha, 'Main sabhi logon ko sirf itna bataana chaahata hoon ki main theek hoon. Main aaj kaafi behtar mahasoos kar raha hoon lekin ab bhi kaafi thaka huaa hoon. ' unhonne kaha, 'Main aapke bheje hue sandesh padh raha tha. Pichhle kuchh dinon mein mere baare mein sochane vaale pratyek vyakti ko dhanyavaad. Main un sabhi ko dhanyavaad dena chaahata hoon jinhonne aspataal mein mera khyaal rakha. Mere parivaar aur mitron ko dhanyavaad jo yahaan maujood hain. ' rider ke manager Aaron kli ne kaha ki yah ballebaaj nikat bhavishya mein shaayad aur adhik bayaan naheen day kyonki vah apna dhyaan chot se ubarane par lagaaega. Kli ne kaha, 'JC ab ICU se baahar aa gaya hai. Ham media ko aage ki update dene ki yojana naheen bana rahe kyonki yah samay JC ke liye chot se ubarane par dhyaan lagaane aur poorn roop se svasth hone ka hai. ' kli ne kaha ki police ne rider se poochhataachh naheen ki hai aur use hamle ke baare mein kuchh bhi yaad naheen hai. Gambhir haalat mein guruvaar ko aspataal laae gaye 28 varsheeya JC rider shanivaar ko coma se baahar aae the aur unhonne bina ventilator ki madad ke bolna aur saans lena shuroo kiya tha. Police ne rider par hue hamle ke sandarbh mein do logon ko giraftaar kiya tha jismein kraaistacharch ka ek 20 varsheeya naagrik aur usaka 37 varsheeya rishtedaar shaamil hai. In donon ko jamaanat mil gayi hai lekin chaar April ko inhein kraaistacharch jila adaalat mein pesh hona hai.