ICC World Cup 2019 Kedaar Jaadhav Ko Lekar Kaayam Hai Suspense

Breaking »

ICC World Cup 2019 Kedaar Jaadhav Ko Lekar Kaayam Hai Suspense

Vijay Tagore, munbaiagar ham kahein ki bhaarateeya team prabandhan aur bhaarateeya cricket control board ke adhikaari kedaar jaadhav ki fitness ko lekar pareshaan naheen hain, to yeh jhooth hoga. Yeh ek paheli ban chuka hai. Shuruaat mein jaadhav ke fit hone ko lekar jo sakaaraatmakata najar aa rahi thi vah dheere-dheere sandeh ki or badh rahi hai. Kaha ja raha hai ki Maharashtra ka yeh ballebaaj us teji se rikvar naheen kar raha hai jiski ki usase ummeed ki ja rahi thi. Team India ke physio paitrik farahat, Australia se laut chuke hain. Mumbai mein unka camp laga hai aur vah jaadhav ki rikvari par najar rakhe hue hain. Ab saari najarein farahat par hain ki vah yeh saaf karein ki kya 34 varsheeya yeh ballebaaj samay rahate rikvar ho paaega. Aisa maana ja raha hai ki Indian Premier league ke dauraan chotil hue jaadhav vishv cup mein Bhaarat ke pehle match jo south Africa ke khilaaf khela jaana hai tak fit naheen hue to doosare match (Australia ke khilaaf) tak jaroor fit ho jaaenge. Haalaanki unke 5 June ko hone vaale Bhaarat ke pehle match tak fit hone ki bhi kaafi sambhaavnaaen hain. Par kya aisa chaans liya jaana chaahiye, team prabandhan, raashtreeya chayanakartaaon aur BCCI ke mainejars ke saamane yahi duvidha hai. BCCI aur team ke beech yeh charcha ka vishay hai ki kya ek khilaadi ko sirf is sambhaavana ke aadhaar par world cup le jaana chaahiye ki vah 5 naheen to 9 June tak fit ho jaaega. Aur kya physio is baat ki poori jimmedaari lekar team prabandhan aur BCCI ko aashvast karega ki yeh khilaadi samay rahate khelne ke liye fit ho jaaega. Maujooda paristhiti ko dekhkar ek baat to saaf hai ki vah team ke donon vaurm ap maichon ka hissa naheen honge. Bhaarat ko 25 May ko new jeelaind ke khilaaf oval mein aur 28 May ko Bangladesh ke khilaaf roj baaul mein abhyaas match khelne hain. Par saath hi sabse mushkil faisala jo team prabandhan ko lena hai vah yeh ki kya vah ek aise khilaadi ko lekar ja sakte hain jo dipaarchar ke samay poori tarah fit naheen hai? Bhaarateeya team 22 May ko vishv cup ke liye ravaana ho rahi hai. Ek sakaaraatmak baat yeh hai ki jaadhav ki chot gahari naheen hai. Haalaanki unki chot ke baare mein poori jaankaari naheen hai lekin unke baaen kandhe mein koi fracture naheen hai. Aur saath hi yeh unki boling ya throing aarm naheen hai. Haalaanki abhi tak BCCI ki or se jaadhav ka riplesameint talaashane ke aasaar bhi najar naheen aa rahe hain. Sootron ka kehna hai ki is tarah ki koi taiyaari naheen ki ja rahi hai aur filhaal isi paristhiti ko banaae rakhane ka prayaas kiya ja raha hai. Iska arth yeh hai ki jaadhav 22 May ko team ke saath England ja rahe hain. BCCI 23 May tak ICC ki anumati ke bina team mein badlaav kar sakti hai. Par filhaal iski sambhaavana kam hi najar aa rahi hai. Jaadhav ko chennai super kings ki or se khelte hue kings eleven Punjab ke khilaaf 5 May ko chot lagi thi. Jaadhav ne chhalaang lagaakar ovarathro rokane ki koshish ki thi. Isi prakriya mein unke kandhe mein chot lag gayi thi. Vah iske baad IPL mein naheen khele. Shuruaat mein chot itni gambhir naheen lag rahi thi lekin rikvari time ummeed se jyaada lag raha hai. To, agar jaadhav naheen jaate hain to unka sthaan kaun lega? Is savaal ka javaab BCCI mein koi naheen dena chaahata hai. Hamaare sahayogi akhbaar Mumbai mirror ka maanana hai ki pant fevarit hain. Lekin yeh abhi door ki kaudi hai. Prabandhan yeh maan raha hai ki jaadhav fit ho jaaenge. Aur is sabse do din mein parda hat jaaega.

ICC World Cup 2019 Kedaar Jaadhav Ko Lekar Kaayam Hai Suspense https://www.angrejinews.com/pic/274858