ICC Ne Masjid Hamle Ke Baad New Zealand-Bangladesh Test Match Radd Hone Ka Samarthan Kiya

Cricket »

ICC Ne Masjid Hamle Ke Baad New Zealand-Bangladesh Test Match Radd Hone Ka Samarthan Kiya

Dubai, 15 March (bhaasha) antararaashtreeya cricket parishad (ICC) ne shukravaar ko kaha ki kraaistacharch mein masjid mein hue hamle ke baad New Zealand aur Bangladesh ke beech teesare test match ke radd hone ka vah poora samarthan karta hai. New Zealand mein media ki report ke anusaar hegale park mein masjid al noor mein hue hamle mein kai logon ki maut ho gayi. baanglaadeshi team namaaj padhne ke liye masjid mein pravesh hi karne waali thi aur khilaadi baal baal bache. Sabhi cricketer surakshit hain. Lekin iske baad adhikaariyon ne shanivaar se shuroo hone vaale teesare aur antim test match ko radd kar diya. ICC ke mukhya kaaryakaari adhikaari David Richardson ne kaha, ''Kraaistacharch mein hui is bhayaavah ghatna se jo log prabhaavit hue unke parivaaron aur mitron ke prati hamaari gahari sanvedanaayein. Donon teemein, staaf aur match adhikaari surakshit hain tatha ICC test match ke radd kiye jaane ke faisale ka poora samarthan karta hai.

ICC Ne Masjid Hamle Ke Baad New Zealand-Bangladesh Test Match Radd Hone Ka Samarthan Kiya https://www.angrejinews.com/pic/261353