Hyderabad Visfoton Ki Jaanch Mein CCTV Ki Bhoomika Aham

Breaking »

Hyderabad Visfoton Ki Jaanch Mein CCTV Ki Bhoomika Aham

Hyderabad: Haidaarabaad mein guruvaar ko hue do visfoton ki jaanch ke sambandh mein police klojd sarkit television (CCTV) camera se li gayi tasveeron ke jariye ek sandigdh ka pata laga rahi hai. Is ghatna mein 16 logon ki jaan chali gayi thi, jabki 100 se jyaada log ghaayal hue. Police ek sootr ne bataaya ki jaanchakarta visfot vaale sthaan dilsukhanagar ke traffic signal mein lage CCTV camera ki tasveeron ki jaanch kar rahi hai. Maana ja raha hai ki visfoton se kuchh samay poorv lagbhag 30 saal ka ek vyakti is sthaan par cycle se aaya tha, jisne ek bag taang rakha tha. Is vyakti ko konaark cinemaghar ke saamane aanand tifin center mein visfot se 10 minute pehle 6.38 baje par pahunchate dekha gaya tha. Doosra visfot kuchh meter ki doori par 7.01 baje shaam mein huaa tha. Donon hi visfotak puraani saaikilon par rakhe gaye the. CCTV mein usaki tasveer saaf najar naheen aa rahi hai, isliye police visheshagyon ki madad le rahi hai. Sootron ke mutaabaki CCTV camera ka mukhya focus sadak par gatisheel gaadiyon par tha na ki sadak ke kinaare jahaan visfot huaa tha. Cycle savaar sandigdh ki tasveer jaanch aham suraag saabit ho sakti hai. Police ne shukravaar ko sandigdh ki jaankaari dene vaale shakhs ko upayukt inaam diye jaane ki ghoshana ki hai. Saaibaraabaad police aayukt di. Tirumaala Rao ke mutaabik jaankaari dene vaale shakhs ki pehchaan gupt rakhi jaaegi. Jaanch ke anusaar inaam ki raashi paanch se 20 lakh rupaye ke beech ho sakti hai. Is beech, aath ghaayalon ki haalat ab bhi gambhir bani hui hai. Ghaayalon ka ilaaj usmaaniya aspataal sahit saat aspataalon mein chal raha hai.

Hyderabad Visfoton Ki Jaanch Mein CCTV Ki Bhoomika Aham https://www.angrejinews.com/pic/2632