Hyderabad Visfot 'Mahatvapoorn Suraag Milne Ka Daava, Chhah Logon Se Poochhataachh
Breaking » Saturday, February 23, 2013
Hyderabad/Mumbai: Hyderabad mein hue dohare dhamaakon ki jaanch kar rahe adhikaariyon ne 'Mahatvapoorn suraag' haath lagne ka daava kiya hai. Jaanchakarta CCTV footage ki padtaal kar rahe hain aur poori jaanch ke keindrabindu mein pratibandhit sangathan Indian mujaahideen hai. Sootron ke anusaar chhah logon se police poochhataachh kar rahi hai. Police ki or se is hamle ke sootradhaaron ke baare mein jaankaari dene par 10 lakh rupaye ke inaam ka ailaan kiya gaya hai. Beete guruvaar ko Hyderabad ke dilsukhanagar mein hue do bam visfoton mein 16 logon ki maut ho gayi aur 117 ghaayal ho gaye hain. Raajya ki gruh mantri pi sabita indra Reddy ne mukhyamantri kiran Kumar Reddy ki adhyakshata mein hui uchchastareeya sameeksha baithak ke baad kaha, 'Humne maamale mein pehle hi aham suraag jutaae hain. Hamein vishvaas hai ki ham jald maamale ko sulajhaaenge. ' Visfot mein amoniym naaitret ka istemaal aur chharro se bhare elyoominiym kantenar ko cycle mein lagaana shak ki sui Indian mujaahideen ki or ghumaate hain. Reddy ne kaha ki maamale ki jaanch aur aparaadhiyon ko nyaaya ke daayare mein laane ke liye 15 vishesh teemon ka gathan kiya gaya hai. Pratyek mein 10 se 15 karmi hain. Raashtreeya jaanch agency ke mahaanideshak SC sinha ne maujooda jaanch ke baare mein raajya police ke adhikaariyon ke saath charcha ki. Visfotasthal par kuchh kaimaron ke kaam naheen karne ki khabaron ke beech raajya ki gruh mantri ne kaha ki Hyderabad aur saaibaraabaad police kamishnari ke tahat nigraani mein sudhaar ke liye 3500 kloj sarkit camere lagaae jaaenge.