Hyderabad Visfot Chetaavani Par 'Nishkriyta Ko Lekar Andhra Sarkaar Kataghare Mein

Breaking » Friday, February 22, 2013

Hyderabad: Aatanki hamle ki aashanka ko lekar kendra sarkaar ki khufiya jaankaari par koi kadam naheen uthaane waali Andhra pradesh sarkaar ko aalochanaaon ka saamana karna pada. Dilsukhanagar mein hue do bam visfoton mein 16 logon ki maut hui jabki 117 ghaayal ho gaye the. Raajya sarkaar ne bruhaspativaar ko kaha tha ki alert jaari kiya gaya tha lekin kendra ki chetaavani ki gambheerta 'Spasht naheen' thi. Telugu desham party ke adhyaksh N chandrabaaboo Naidu ne kaha ki dohare bam visfot nishchit roop se raajya sarkaar ki naakaami ka nateeja hai. Kendra ki chetaavani ke baavajood sarkaar naram bani rahi. Poorv mukhyamantri visfot sthalon ke nireekshan ke liye guntoor jile se subah Hyderabad pahunche aur baad mein vah ghaayalon se milne omani aspataal gaye. Unhonne kaha ki aatankvaadiyon ne yojanaabaddh tareeke se visfot ko anjaam diya. Chandrabaaboo ne visfot maamale mein maare gaye logon ke parijanon ko 10-10 lakh rupaye ka muaavaja dene ki maang karte hue kaha ki yah dukh ki baat hai ki raajya sarkaar ne kendra ki chetaavani ko gambheerta se naheen liya. Kam se kam ab sarkaar ko alert ho jaana chaahiye aur is tarah ki dardanaak ghatnaaon ko fir se hone se rokana chaahiye.