Hyderabad Mein Saampradaayik Jhadpon Mein Do Logon Ki Maut

Breaking »

Hyderabad Mein Saampradaayik Jhadpon Mein Do Logon Ki Maut

Hyderabad: puraane shahar ke kishnabaag ilaake mein kathit taur par dhaarmik jhanda jalaae jaane ke kaaran saampradaayik jhadap hone se aaj do log maare gaye. Bheed ko titr-bitr karne ke liye police ko goliyaan bhi chalaani padi. ghatna mein kuchh policekarmiyon ke alaava saat log ghaayal ho gaye, lekin abhi yeh saaf naheen hua hai ki jhadpon ke baad ya police goleebaari mein do logon ki jaan gayi. police ne ashaant ilaake mein ehatiyaati aadesh laagoo kar diya hai. Andhra Pradesh ke atirikt police mahaanideshak (kaanoon aur vyavastha) VS ke kaumudi ne bataaya, ghatnaaon mein kam se kam do logon ki jaan gayi. Ham postmortem report ka (yeh jaanane ke liye ki ve goleebaari mein maare gaye ya jhadpon mein) intajaar kar rahe hain. Kaumudi ne bataaya ki ashaant ilaake mein city police ke saath hi tvarit kaarravaai bal (aaraeef) ki teen companiyon aur Andhra pradesh special police ki do companiyon ke saath badi sankhya mein suraksha balon ko tainaat kiya gaya hai.

Hyderabad Mein Saampradaayik Jhadpon Mein Do Logon Ki Maut https://www.angrejinews.com/pic/50545