Hyderabad Ke Saamane Rajasthan Ki Agnipreeksha

Cricket »

Hyderabad Ke Saamane Rajasthan Ki Agnipreeksha

Nai Delhi. . Sankat ke daur se gujar rahi Rajasthan Royals Indian Premier league ke 'Eliminator' mein Budhvaar ko jab sunrisers Hyderabad se bhidegi to yah mukaabala uske liye kisi agnipreeksha se kam naheen hoga. Spot fixing prakaran ke khulaase aur S shreeshaant samet iske teen khilaadiyon ki giraftaari ke baad Rajasthan Royals ke liye cricket se jude masale haashiye par chale gaye hain. Aise mein sunrisers ka palada bhaari lag raha hai kyonki cricket ko jhakajhor dene vaale is vivaad se usaka koi sarokaar naheen hai. Vaheen, Rajasthan Royals aur khaaskar kaptaan Rahul Dravid ke liye apna manobal ooncha rakhate hue maidaan par team se sarvashreshth pradarshan karaana badi chunauti hogi. Royals aur uske samarthakon ke liye is match mein jeet kuchh had tak jakhmon par maraham lagaane waali hogi. Lekin isse inkaar naheen kiya ja sakta ki team bhaari dabaav mein hai. Is vivaad se usaka aatmavishvaas aur ek doosare ki kshamata par bharosa hil gaya hai. Kya ab Rahul Dravid kisi geindabaaj ko usi bharose ke saath geind saunp sakeinge? Kya ab vah maathe par ek bhi shikn aae bina ballebaaji kram badal paaenge? In savaalon ka javaab to Budhvaar ko hi mil sakega. Yahi vajah hai ki Royals ne is match se pehle aakhiri abhyaas satr Jaipur mein hi karne ka faisala kiya. Team mangalvaar shaam ko hi yahaan pahunchegi jisse media ki najaron se bacha ja sakega kyonki us samay Mumbai Indians aur chennai super kings ke beech pehla kvaulifaayar mukaabala chal raha hoga. Cricket ke pahaloo par baat karein to Royals ki team adhik santulit hai. Doosari or sunrisers apne geindabaajon par adhik nirbhar hai. Uske paas duniya ke number ek geindabaaj Dale sten (18 wicket), leg spinner amit mishra (20 wicket) aur harfanmaula tisaara parera (19 wicket aur 222 run) hain. Karan sharma ke saath mishra ne beech ke overon mein kifaayati geindabaaji ki hai. Vah na sirf ranon ka pravaah rokane mein kaamayaab rahe balki upayogi wicket bhi dilvaae hain. Sunrisers ki chinta usaki ballebaaji hai. Uske star khilaadi 300 run ka aankada bhi paar naheen kar sake hain. Paarthiv Patel ne sarvaadhik 293 run banaae hain jismein sirf ek ardhashatak shaamil hai. Shikhar dhavan ne nau maichon mein teen ardhashatak samet 278 run banaae hain. Unase apne ghareloo maidaan par behatareen paari ki ummeed hogi. Tisaara aur Darren saimi ki bhoomika bhi aham hai jo apni harfanmaula kshamata ke saath team mein jaroori santulan laae hain. Saimi ke do chhakkon ki madad se sunrisers ne mushkil lag rahe knockout mein pravesh kar liya. Orissa ke biplav saamantre ne pichhle kuchh maichon mein achha pradarshan kiya hai. Rajasthan Royals ne apne maidaan par achha pradarshan kiya hai. Shane Watson ne 513 run banaane ke saath 11 wicket liye hain. Vaheen Dravid ne morche se aguvaai karte hue chaar ardhashatak samet 416 run banaae hain. Ajinkya rahaane ko raashtreeya team se bhale hi baahar kar diya gaya ho lekin usane IPL mein 106-90 ki strike rate se 449 run banaae hain. Stuart binni aur braid hauj ne bhi upayogi yogadaan diya hai. Yuva sanjoo Samson bhi dabaav ke match mein apni upayogita saabit karna chaaheinge. Royals ke liye geindabaaji ki aguvaai parpal kaipadhaari James faukanar (26 wicket) aur West Indies ke kevon koopar (17 wicket) kareinge. Teemein sunrisers haidaraabaad: Kumar sangakaara (kaptaan), akshat Reddy, amit mishra, aanand raajan, ankit sharma, aasheesh Reddy, biplav saamantre, Cameron vaait, kris lin, Dale sten, Darren saimi, deebi ravi teja, hanuma vihaari, ishaant sharma, Nathan McCollum, paarthiv Patel, prashaant padmanaabhan, kinton dikaak, sachin raana, shikhar dhavan, sudeep tyaagi, ti saragunam, tisaara parera aur veer prataap Singh. Rajasthan rauyals: Rahul Dravid (kaptaan), ajinkya rahaane, ashok menaariya, braid hauj, braid haug, dishaant yaagnik, fidel Edwards, harameet Singh, James faukanar, kevon koopar, Kumar boresa, keje parera, ovais shaah, praveen taambe, Rahul shukla, sachin baby, saimual badi, sanjoo Samson, Shane Watson, shaun tait, shreevats Goswami, siddhaarth trivedi, stuart binni, Vikramjeet malik.

Hyderabad Ke Saamane Rajasthan Ki Agnipreeksha https://www.angrejinews.com/pic/9253