Hyderabad Hamle Mein Police Ko Mile Aham Suraag

India »

Hyderabad Hamle Mein Police Ko Mile Aham Suraag

Hyderabad mein bruhaspativaar der shaam hue dohare bam visfot mein shukravaar ko police ko kuchh aham suraag haath lage hain. Do CCTV kaimaron mein kuchh chehare kaid hain jinse police ko do cinemagharon ke saamane bam rakhane vaalon ko talaashane mein madad mil sakti hai. Shukravaar ko do ghaayalon ke dam tod dene ke baad hamle mein marne vaalon ki sankhya 16 ho gayi. Visfot ke 24 ghante baad police dilsukhanagar mein shaam ke vyast samay mein hue dhamaake waali jagah ke aaspaas kis sandigdh vyakti ke dekhe jaane ki jaankaari dene vaalon ke liye inaam ki ghoshana bhi ki. Saaibaraabaad police aayukt di. Tirumala Rao ne shukravaar ko logon se us ilaake mein sandigdh paristhiti mein ghoomane vaale yuvak ke baare mein soochana muhaiya karaane ki appeal ki. Visfot sthal par unhonne samvaadadaataaon se kaha, "Yadi aapne ek yuvak ko kuchh saamaan ke saath aur sandigdh paristhiti mein scooter ya cycle khadi karte hue dekha ho to police ko iski soochana muhaiya karaaen. " Kai suraag milne ka daava karte hue police aayukt ne kaha ki unhein maamale ki gutthi sulajhane ka poora bharosa hai. Unhonne kaha ki jaanchakarta tej gati se kaam mein jute hain. Maana ja raha hai ki police CCTV footage se saboot nikaalne mein juti hai. Keindreeya svaasthya mantri gulaam nabi aajaad ne shukravaar ki shaam ghatnaasthal ka daura karne ke baad kaha, "Mujhe naheen lagta ki CCTV naakaam rahe. Kuchh tasveerein kaid hui hain. " Ilaake mein lage teen CCTV camere mein se do mein maana ja raha hai ki kuchh chehare kaid hain jinse police ko do cinemagharon ke saamane bam rakhane vaalon ko talaashane mein madad mil sakti hai. Is beech, saaibaraabaad police kamishnari ke sarooranagar thaane mein do pratham soochana report (FIR) darj karaane aur maamala aparaadh anusandhaan vibhaag (seeaaidi) ko saunpe jaane ke baad seeaaidi ne jaanch shuroo kar di hai. Raashtreeya jaanch agency (NIA) aur foreinsik visheshagyon ne visfot sthal se saboot ekatr kiye hain. Isse pehle, niji aspataalon mein bharti ghaayalon mein se do ki maut hone ke baad hamle mein marne vaalon ki sankhya shukravaar ko 16 ho gayi. Ghaayalon mein se kuchh ki haalat naajuk bani hui hai jisse mrutakon ki sankhya aur badhne ki aashanka hai. Udhar, chahal-pahal se bhare rahane vaale dilsukhanagar rod par shukravaar ko veeraani chhaai rahi, jabki aspataalon ka drushya dil dahala dene vaala tha. Dilsukhanagar saaf dikhaai day rahe tanaav ke beech VIP ka aanaajaana laga raha. Isse pehle, keindreeya gruhamantri susheel Kumar shinde ne visfot sthalon ka muaayana karne ke baad samvaadadaataaon se kaha, "Kisi khaas ilaake mein aisi ghatna hone ke baare mein pukhta soochana naheen thi. " unhonne kaha, "Do-teen din pehle ek saamaanya alert jaari kiya gaya tha. Humne yah alert poore desh ke liye jaari kiya tha. " Shinde aur aajaad ke alaava keindreeya mantri S. Jayapaal Reddy, ke. Chiranjeevi aur sarv satyanaaraayan, bhaajapa adhyaksh Rajnath Singh, Andhra pradesh ke poorv mukhyamantri N. Chandrabaaboo Naidu, majalis-A-ettehaadul muslimeen ke neta asaaduddeen ovaisi ne ghatnaasthal aur aspataalon ka daura kiya. Udhar, police ke liye shukravaar ko dilsukhanagar mein bheed ko kaaboo karne mein kaafi mashakkat karni padi. Bhaarateeya janta party (bhaajapa) aur akhil bhaarateeya vidyaarthi parishad (abhaavip) se jude sainkadon log visfotasthal par jama ho gaye aur Pakistan va aatankvaad ke khilaaf naarebaaji ki. Apne-apne sangathanon ke jhande-banner ke saath log tukadiyon mein vahaan aate rahe. Dilsukhanagar rod par adhikaansh dukaanein aur vyaavasaayik pratishthaan band rahe. Bhaajapa ke aahvaan par band ka shahar ke anya hisson mein aanshik asar dekha gaya. Adhikaansh school evam college band rahe, haalaanki dukaanein evam vyaavasaayik pratishthaan aam dinon ki tarah khule the. Ebids aur kuchh anya ilaakon mein bhaajapa kaaryakartaaon ko dukaanadaaron ko dukaan band karne ke liye kehte dekha gaya.

Hyderabad Hamle Mein Police Ko Mile Aham Suraag https://www.angrejinews.com/pic/2592