Hyderabad Dhamaakon Ko Rokane Ke Liye Kendra Ne Kya Kiya Sushma Swaraj

India » Friday, February 22, 2013

Nai Delhi: Hyderabad dhamaake par keindreeya gruhamantri susheel Kumar shinde ne sansad mein bayaan diya. Shinde ne kaha ki dhamaake mein 16 logon ki maut hui hai aur 117 ghaayal hain, jinmein se chaar ki haalat gambhir hai. Unhonne kaha ki do maamale darj kiye gaye hain aur raashtreeya jaanch agency (NIA) police ki madad se iski jaanch karegi. Mainne aaj raajyapaal, mukhyamantri aur police ke aala afsaron ke saath haalaat ka jaayaja liya. Pradhaanamantri ne marnewaalon ke parijanon ko chhah lakh rupaye ki anugrah raashi ka ailaan kiya hai. Sthiti niyantran mein hai aur sarkaar aatankvaad ke khilaaf ladaai ladne ko pratibaddh hai. Shinde ke bayaan ke baad vipaksh ki neta Sushma Swaraj ne kaha ki yah rooteen bayaan hai aur ismein sirf ghatna ke baare mein jaankaari di gayi hai. Shinde dvaara diye gaye bayaan par savaal poochhane ki ijaajat naheen diye jaane par sadasyon ne hangaama kar diya, jisse sadan ki baithak sthagit karni padi. Dopahar do bajkar 20 minute par sadan ki baithak fir shuroo hone par shinde ke bayaan ke baad neta pratipaksh Sushma Swaraj ne unase kai savaalon ke javaab maange. Sushma ne kaha ki yah samay doshaaropan ka naheen hai, balki aatankvaad ke khilaaf ekajut hokar ladaai ladne ka hai, lekin iske liye soch mein samaanata honi chaahiye. Unhonne kaha ki afsos hai ki ise lekar (sarkaar aur vipaksh ki) soch mein samaanata naheen hai. Sushma ne kaha ki kal ghatna ghatate hi shinde ne kaha ki raajya sarkaar ko pehle hi jaankaari day di gayi thi ki aatanki vaaradaat ki aashanka hai. Aise mein raajya sarkaar ko alert hona chaahiye tha. Yah anumaan tha ki jab nau saal ke lambe antaraal baad Afzal guru ko faansi di gayi hai, to koi na koi pratikriya hogi hi. Samvedansheel ilaakon mein pratikriya ki aashanka thi. Aise mein Hyderabad mein to alert hona hi chaahiye tha. Unhonne kaha ki kendra ne keval raajya sarkaar ko soochit kar diya, lekin aatanki vaaradaat ko rokane ke liye kya kiya. Aatankvaad kaanoon vyavastha ka saadhaaran maamala naheen hai. Saath hi savaal kiya ki kya ghatna ke baad bhi ham chete hain. Sushma ne poochha ki kal ke visfot ka Hyderabad mein kuchh din pehle MIM ke vidhaayak dvaara diye gaye bhadkaaoo bhaashan se to koi sambandh naheen hai? Unhonne maang ki ki aatankvaad ke peediton ko muaavaje ki raashi ek jaisi honi chaahiye. Kinheen maamalon mein muaavaja kam diya jaata hai, to kinheen mein jyaada. Sushma ne yah savaal bhi kiya ki Afzal guru ko nau saal ke antaraal ke baad faansi dene ka auchitya sarkaar samajhaae. Kabhi to majahab ke aadhaar par aatankvaad ko lekar ham bant jaate hain, to kabhi pakade gaye aatankvaadiyon ke maanavaadhikaar ka savaal khada kar unase narami baratne ki pairavi ki jaati hai. Sushma ke baad sapa pramukh mulaayam Singh Yadav is maamale par apni baat rakhana chaahate the, lekin upaadhyaksh kariya munda ne niyam-372 ka havaala dete hue kaha ki mantri ke bayaan ke turant baad charcha karne ki parampara naheen hai. Shinde ko Rajyasabha mein bhi jaakar bayaan dena hai, isliye sadasya is par baad mein charcha kar sakte hain. Sansadeeya kaarya mantri Kamalnath ne kaha ki sadan agar is vishay par charcha chaahata hai, to sarkaar taiyaar hai. Munda ne bhi kaha ki sadasya kaarya mantrana samiti ki baithak mein tay karein ki is mudde par charcha kab ki jaani hai. Sadasya charcha ka notice dein aur charcha kara di jaaegi. (input bhaasha se bhi)