Hyderabad Dhamaake Marnewaalon Ki Sankhya Badhkar 16 Hui, Ek Shakhs Hiraasat Mein

India » Friday, February 22, 2013

Hyderabad: Hyderabad mein guruvaar shaam hue dohare bam dhamaakon mein marne vaale logon ki sankhya badhkar 16 ho gayi hai. Shahar ke ek aspataal mein do ghaayalon ne aaj dam tod diya. Vaheen police ne ek shakhs ko hiraasat mein liya hai. Keindreeya gruh mantri susheel Kumar shinde ne visfot sthal ka daura karne aur ghaayalon se milne ke baad samvaadadaataaon se kaha ki chhah ghaayalon ki haalat gambhir hai. Udhar, NIA ki team ghatnaasthal se saboot ikattha karne mein juti hai. Iske alaava Maharashtra eteees aur enaesaji ki team bhi ghatnaasthal par jaanch ke liye pahunchi hai. Gruhamantri susheel Kumar shinde aaj Hyderabad pahunche aur haalaat ka jaayaja liya. Unhonne kaha ki pehle se khufiya agencyon ke alert ka matlab yah naheen hai ki is ghatna ko police bal ki naakaami karaar diya jaae. Shinde ne kaha ki jaanch shuroo kar di gayi hai aur kisi bhi doshi ko bakhsha naheen jaaega. Aatanki hamle ki soochana par bolte hue shinde ne kaha ki unhonne saamaanya roop se sabhi raajyon ko alert diya tha. Shinde aspataal pahunchakar ghaayalon se bhi mile. Unke saath Andhra pradesh ke mukhyamantri kiran Reddy bhi the. Vaheen, pradhaanamantri Manmohan Singh ne Hyderabad visfot ki ninda ki, kaha ki is kaayarataapoorn krutya ke peechhe jin logon ka bhi haath hain unhein bakhsha naheen jaaega. Pradhaanamantri ne Hyderabad visfoton ke baad shaanti ki appeal ki. Pradhaanamantri ne Hyderabad visfoton mein marne vaale logon ke parijanon ko do-do lakh rupaye aur gambhir roop se ghaayal hue logon ko 50-50 hajaar rupaye dene ki ghoshana ki. Gaurtalab hai ki saaibaraabaad thaana ilaake mein sthit konaark aur veinkataadiri cinemagharon ke najadeek sadak kinaare bane dhaabe ke baahar do saaikilon mein baandhakar rakha gaya IED visfot vyast samay mein huaa jab mauke par kaafi logon ke maujood hone ke kaaran afra-tafari mach gayi aur log suraksha ke liye idhar-udhar bhaagane lage. In dhamaakon ki abhi tak kisi bhi aatanki sangathan ne jimmedaari naheen li hai, lekin aaranbhik jaanch ke baad suraksha agencyon ko Indian mujaahideen par shak hai. Dhamaake ka tareeka Pune dhamaakon se milta-julata hai. Manjar imaam par agencyon ko shak hai. Manjar ko aaiem ke pramukh yaaseen bhatakal ka kareebi maana jaata hai. Sootron ke anusaar, manjar ko Hyderabad mein dekha gaya tha. Ab police manjar ki talaash kar rahi hai.