Huvaave Ko Lekar Bhaarat Ko America Ne Di Chetaavani

Breaking »

Huvaave Ko Lekar Bhaarat Ko America Ne Di Chetaavani

Nai Delhi America ne kaha hai ki agar koi bhaarateeya company huvaave ya usaki sahayogi companiyon ko America mein bane paarts ya praudakts saplaai karti hai to uske khilaaf kaarravaai ho sakti hai. Ise Bhaarat par chaaineej telecom ikvipmeint company ke khilaaf kaarravaai ke liye dabaav banaane ki pahal maana ja raha hai. Ameriki sarkaar ka patra milne ke baad ministri of eksatarnal afeyars ne huvaave par lage ameriki pratibandhon ke bhaarateeya companiyon par padne vaale asar par dipaartameint of teleekamyunikeshans, neeti aayog, ministri of electronics, ministri of Commerce aur principle scientific edavaaijar ki rai maangi hai. Ek varishth sarkaari adhikaari ne kaha, 'Ministri of eksatarnal afeyars ki taraf se teen kaam karne ke liye kaha gaya hai- huvaave ko America mein bane software/ikvipmeint muhaiya karaane waali Indian companiyon ke khilaaf usaki taraf se pratibandh lagaae jaane ki sambhaavana sahit usaki taraf se muhaiya karaai soochana ki jaanch karaai jaae, praag mein haaliya 5ji sikyoriti conference ki sifaarishon par rai muhaiya karaai jaae aur poore maamale mein rai di jaae. ' Sootron ne bataaya ki May mein praag mein hue 5ji sikyoriti conference ki sifaarishein saamaanya prakruti ki hain. Unamein company vishesh ka naam naheen liya gaya hai. Conference ke dauraan America ki taraf se jaari soochana mein huvaave ke ikvipmeints par usaki taraf se haal mein lagaae gaye ban ke alaava cheen mein rajistard 35 companiyon aur huvaave Sri Lanka, huvaave Pakistan aur huvaave Hongkong jaisi company ki sahayogi farmon ki soochi shaamil thi. Padhein: Microsoft online store par vaapas laute huvaave ke laptop, US ban ke baad hue the gaayab Sarkaari sootr ne kaha ki praag summit ki sifaarishon ke mutaabik har desh ka kamyunikeshan system tikaaoo aur surakshit tareeke se design kiya jaana chaahiye aur usaki apni sikyoriti paulisi honi chaahiye. 32 deshon ke telecom cheef ke paartisipeshan vaale conference ke liye cheen ko naheen bulaaya gaya tha. Conference ki sifaarishon ke mutaabik duniyaabhar ki sarkaaron ko 5ji ke jo staindards apanaana chaahiye, un par huvaave khufiya soochanaaen ikattha karne mein sahayog se sambandhi cheeni kaanoonon ki vajah se shaayad khari na utare. Padhein: America mein huvaave company ban, cheen ne di dhamaki Sarkaari adhikaari ne bataaya, 'Isliye praaivesi aur sikyoriti ke maamale mein ham praag conference mein diye gaye un siddhaanton ka paalan kareinge, jinke mutaabik har desh ka kamyunikeshan network sef aur sikyor hona chaahiye. ' haalaanki jis klauj ke jariye bhaarateeya companiyon ko huvaave ya usaki sahayogi companiyon ko ameriki software saplaai karne par kaarravaai ki chetaavani di ja rahi hai, usase haalaat bekaaboo ho sakte hain. Sootr ne kaha, 'Sabse jyaada 5ji peteints huvaave ke paas hain. Use is technology mein badhat haasil hai. Aise mein savaal yeh uthata hai ki agar ham apni companiyon huvaave ke ikvipmeint yooj karne dete hain aur samoochi saplaai chen ya network mein agar kuchh ameriki upakaran paae jaate hain, jiski kaafi sambhaavana hai to usaka hamaari companiyon par kya asar hoga? '

Huvaave Ko Lekar Bhaarat Ko America Ne Di Chetaavani https://www.angrejinews.com/pic/281851