Holi Par Puraani Ranjish Mein Ladke Ki Hatya

India »

Holi Par Puraani Ranjish Mein Ladke Ki Hatya

di. M. Sharma. Firojaabaad : Jile mein holi par Budhvaar ko puraani ranjish ke chalte ek 16 saal ke ladke ki hatya ki gayi. Aaropiyon ne hatya ke baad ladke ka shav railway track par feink diya. Ladka holika dahan se ek din pehle apne ghar se gaayab huaa tha. Parijanon ne apne padosiyon par ladke ki hatya ka aarop lagaaya hai. Gussaae parijanon ne highway jaam kar hangaama kaata. Soochana milne par pahunchi police ne gussaae logon ko samajhaabujhaakar maamale ko shaant kiya. Peedit parivaar ki tahareer par police ne ek yuvak ko poochhataachh ke liye apne kabje mein liya hai. Thaana dakshin ke karabala nivaasi kunvarapaal ka 16 saal ka beta anil ghar se achaanak gaayab ho gaya. Parijanon ke kaafi khojabeen karne par bhi usaka kaheen pata naheen chala. Idhar police ne railway track se laash baraamad ki, lekin shinaakht na hone par police ne use laavaaris ke taur par postmortem ke liye jila aspataal bhijva diya. Jav iski jaankaari ladke ke parijanon ko hui to vah jila aspataal pahunche, jahaan shav dekhne ke baad unhonne usaki shinaakht anil ke roop mein ki. Doctoron ne shav ka postmortem karne ke baad use parijanon ke supurd kar diya. Parijanon ka aarop tha ki 2 maheene pehle unke ladke aur padosiyon ke parijanon mein vivaad ho gaya tha jiske chalte unhonne unke putr ki hatya karne ke baad shav railway track par feink diya. Gussaae parijanon ne shav ko highway par rakhakar jaam laga diya. Jaam ki soochana milte hi police mauke par pahunchi aur gussaae logon ko samajhaabujhaakar maamale ko shaant karaaya. Peedit parivaar ki or se di gayi tahareer ke aadhaar par ek yuvak ko poochhataachh ke liye police ne hiraasat mein liya hai. Police ghatna ki jaanch padtaal kar rahi hai.

Holi Par Puraani Ranjish Mein Ladke Ki Hatya https://www.angrejinews.com/pic/3764