Holi Par Gang-rape, Thaane Mein Todfod, Piti Police

India »

Holi Par Gang-rape, Thaane Mein Todfod, Piti Police

IANS. Lucknow : Uttar pradesh ke chandauli jile mein Budhvaar ko holi par ek ladki ke saath 3 ladkon ne kathit roop se gang-rape kiya. Thaane mein gang-rape ki report darj na hone jaane se gussaae graameenon ne thaane mein todfod ke baad police karmiyon ki pitaai ki. Iske alaava tahaseel parisar mein bhi aagajani ki gayi. Pradarshanakaariyon ne lambe samay tak ghatna ke virodh mein jaam lagaaya. SP sharad sachaan ne bataaya ki sakaladeeha kshetr ke uravaan gaanv mein Budhvaar ko holi ke din 3 logon ne 12 saal ki ladki se kathit roop se saamoohik balaatkaar kiya tha. Is silsile mein mukadama darj kar liya gaya hai. Raasta jaam unhonne bataaya ki vaaradaat se naaraaj logon ne aaropiyon ki jald giraftaari ki maang ko lekar guruvaar ki subah sakaladeeha-chandauli maarg par raasta jaam kar diya. Police ne bheed ko titr-bitr karne ke liye halka bal prayog kiya, jisse bhadke logon ne sakaladeeha thaane par dhaava bol diya. Sachaan ne bataaya ki police ne mauke par pahunchakar sthiti ko sanbhaal liya. Haalaat ke maddenajar kshetr mein bade paimaane par police fors tainaat ki gayi hai. Maamala darj kiya gaya : Police jaankaari ke anusaar gang rape ke maamale ki tahareer baalika ke gharwaalon ne Budhvaar ko der raat thaane mein di, lekin police ne guruvaar ki subah tak maamala darj naheen kiya hai. Graameenon ne kai vaahanon ko aag ke havaale kar diya aur police vaalon ki jamkar dhunaai bhi ki. Soochana paakar jilaadhikaari aur police adheekshak bhi mauke par pahunche. Graameenon ne haalaanki police par maamala darj na karne ka aarop lagaaya hai, lekin police adhikaariyon ka kehna hai ki peedita ke gharwaalon ki tahareer par Budhvaar raat ko hi maamala darj kar liya gaya tha.

Holi Par Gang-rape, Thaane Mein Todfod, Piti Police https://www.angrejinews.com/pic/3757