Holi Khelkar Ganga Nahaane Gaye 8 Yuvak Doobe, 7 Shav Baraamad

Breaking »

Holi Khelkar Ganga Nahaane Gaye 8 Yuvak Doobe, 7 Shav Baraamad

Kanpur. . Holi khelne ke baad usaka rang chhudaane ganga nadi mein nahaane gaye aath yuvak Budhvaar shaam do alag-alag sthaanon par doob gaye, inmein se saat yuvakon ke shav baraamad kar liye gaye jabki ek yuvak ka shav abhi bhi baraamad nahi huaa hai. Mrutakon ki umr 16 se 26 varsh ke beech hai. Kanpur ke graameen police adheekshak manoj sonakar ne bataaya ki Budhvaar shaam holi khelne ke baad kohana thaana kshetr ganga bairaaj par paanch yuvak ganga nadi mein nahaane aae the. Sabhi holi ka rang chhuda rahe the achaanak dekhte hi dekhte paancho yuvak ganga mein doobne lage aur jabatak aaspaas ke log aur police ke gotaakhor inhein bachaate tab tak sabhi doob chuke the. In paanchon ke shav police ke gotaakhoron ne ek ghante ki kadi mashakkat ke baad nikaal liya. Ganga bairaaj par doobne vaale yuvakon mein rishabh tripaathi (16), sohit (16), mohit (18), gaurav (16) va vinaya (20) shaamil hai. Police ne mrutakon ke parijanon ko soochana day di hai. Police ne bataaya ki doosari ghatna bithoor ilaake mein hui jahaan holi ke baad ganga nadi mein nahaane aae teen yuvak doob gaye. Pulism ke anusaar shaam ko teen yuvak dinesh saini (26), anshu gupta (25) aur mohit sharma (24) ganga nadi mein nahaate hue holi ke rang chhuda rahe the. Nahaane ke dauraan teenon achaanak gahre paani mein chale gaye. Inki cheekh pukaar sunakar police ke gotaakhor aur aaspaas ke log ganga nadi mein bachaav ke liye lekin un logon ko bachaaya naheen ja saka. Kaafi der baad do yuvakon ka shav to baraamad kar liya gaya lekin ek yuvak ka shav abhi tak baraamad nahi huaa hai. Police ke gotaakhor laapata yuvak ko baraamad karne ki koshish kar rahe hai. Police maamale ki jaanch kar rahi hai.

Holi Khelkar Ganga Nahaane Gaye 8 Yuvak Doobe, 7 Shav Baraamad https://www.angrejinews.com/pic/3631