Holi Ke Rang Mein Kashmir Se Kanyaakumaari Tak Ranga Hindustan

India »

Holi Ke Rang Mein Kashmir Se Kanyaakumaari Tak Ranga Hindustan

nai Delhi. . Poore desh mein holi ki dhoom hai. Chaaron taraf holi ke geet fija mein goonj rahe hain. Har taraf rang-birange chahere dikh rahe hain. Log ek-doosare ko rang laga rahe hain aur unke saath holi ki masti mein doob gaye hain. Delhi, Mumbai, Kolkata, Lucknow aur Jaipur ke saath kareeb poora desh rangon mein saraabor najar aa raha hai. Haalaanki, kuchh jagahon par 28 March ko holi manaane ki khabar hai. Holi ke mauke par log apne doston, rishtedaaron aur saathiyon ke ghar aa- ja rahe hain. Rang aur gulaal laga rahe hain. Unke gale milkar unhein badhaai day rahe hain aur khushi mana rahe hain. Maahaul dekh kar aila lag raha hai ki log sirf aur sirf masti ke rang mein doob jaana chaahate hain. Haalaanki, holi ke mauke par suraksha ke kade prabandh kiye gaye hain. Tasveeron mein: Dekhein, holi par kaise bheega tan aur man rajdhani Delhi mein bhi holi ki khoob dhoom dekhi ja rahi hai. Rohani ke Japani park mein aayojit kaaryakram mein foolon ki holi ke saath laththamaar holi bhi chal rahi hai. Dilleevaale masti doobe hain. Bhagwan Krishna ki janmasthali Mathura mein paaramparik andaaj mein holi kheli ja rahi hai. Log mandiron mein darshan kar rahe hain aur Bhagwan Krishna ko gulaal arpit kar rahe hain. Mathura ke alaava vrundaavan aur barasaane ka bhi kuchh aisa hi haal hai. Poora braj pradesh hi holi ke rang mein saraabor hai. Ujjain mein holi ki shuruaat Bhagwan mahaakaal ke saath holi khelkar hui. Prasiddh mahaakaal mandir mein jamkar gulaal udaaya gaya. Poori madhya pradesh holi ke rang mein dooba huaa hai. UP ke Varanasi ke log bhi holi ki dhoom mein mas‍aat hain. Log ganga kinaare ke ghaaton par bhaang waali thandhai ka lut‍aaf le rahe hain. Varanasi mein videshi mehmaan bhi holi ka jamkar maja le rahe hain. Varanasi hi naheen poore uttar pradesh holi ke rang mein dooba huaa hai. Maayaanagari Mumbai mein bhi aam se lekar khaas sab holi ki masti mein doobe hue hain. Jagah-jagah holi party ka aayojan kiya ja raha hai. Rangon ke parv holi ke mauke par desh ke har hisse mein logon ne paramparaagat dhang se holi manaayi. Kashmir mein deshvaasiyon ne sarhad par suraksha balon ke saath jamkar holi kheli aur 'Dharati ke svarg' kahe jaane vaale Jammu-Kashmir mein aam logon ne gulaal lagaakar mithaaiyaan baanti. Utsaah aur umang ka tyohaar holi poore mauj-masti ke saath shaantipoorn tareeke se beet gaya jabki police ne huddangiyon par kadi najar rakhi jo dhol bajaakar nrutya kar rahe the aur holi ki masti mein doobe hue the. Rajasthan mein holi Rajasthan mein rangon ke tyohaar holi paramparaagat ullaas aur aanand ke saath manaai gayi. Keindreeya gruhamantri susheel shinde ne jaisalamer mein tanot ke nikat BSF javaanon ke saath holi kheli. Jaipur samet raajya mein holi ke parv par subah se hi logon ne rang lagaakar ek doosare ko holi ki badhaai di. Khaastaur par bachchon aur navavivaahiton ne apne parijanon ke saath holi kheli. Bikaner, jaisalamer, Jaipur mein desh ke kai hisson se aae paryatakon ne holi manaai aur is mauke par aayojit saamaaroh ka aannad liya. Keindreeya gruhamantri susheel Kumar shinde ne jaisalamer mein tanot mandir mein darshan karne ke baad javaanon ke saath holi manaai. Kashmir mein holi hindu samudaaya aur suraksha balon ne ghaati mein rangon ka tyohaar holi paaramparik shraddha aur ullaas ke saath manaaya. Kashmir ghaati ke logon ne apne parijanon aur doston par rang-gulaal daale. Kai paryatakon ne rangon aur mithaaiyon ke saath ek-doosare ka abhivaadan kiya. Ghaati mein suraksha balon ne bhi holi manaai. Arddhasainik bal aur sena ke javaan apne shiviron mein jute aur holi ke lokapriya geeton par nrutya kiya. Iske alaava unhonne ek-doosare par rang bhi daale. Raajyapaal N. N. Vohara ne holi par logon ko badhaai di. Bihar mein holi mukhyamantri neeteesh Kumar ne is baar ki holi ko bihaaravaasiyon ke liye khaas bataate hue kaha ki vishesh raajya ke darje ko lekar kendra mein jo charchaaen ho rahi hain usako lekar yahaan ke logon ke beech utsaah ka vaataavaran hai. Patna ke ek ane maarg sthit mukhyamantri aavaas mein aayojit holi milan samaaroh ke baad neeteesh ne is baar ki holi ko bihaaravaasiyon ke liye khaas bataaya. Uttar pradesh mein holi uttar pradesh mein rango ka tyohaar holi sauhaardapoorn maahaul mein manaaya gaya aur chhitput ghatnaaon ko chhod kaheen koi apriya ghatna naheen hui. Ehatihaat ke taur par pradesh ke sabhi samvedansheel jilon mein kadi suraksha vyavastha ke bhi prabandh kiye gaye hain. Ganga-jamuni tahajeeb waali rajdhani Lucknow ke puraane Lucknow kshetr mein hindu aur muslim samudaaya ke logon ne saamoohik roop se ek doosare par gulaal aur rangon ki bauchhaar kar holi manaai to doosari or Bhagwan Krishna ki nagari Mathura vrundaavan ke barasaane mein lathamaar holi kheli gayi. Uttar pradesh ke mukhyamantri Akhilesh Yadav, SP mukhiya mulaayam Singh Yadav aur mantri shivpaal Singh Yadav ne apne itaava sthit saifai mein bhavya holi ka aayojan kiya. Ismein hajaaron logon ke saath gulaal aur rangon se holi kheli aur ek doosare ko mubaarakabaad di. Itaava aur paas ke jilon se saikadon logon ne saifai pahunchakar ne mukhyamantri aur SP mukhiya ko holi ki badhaai di.

Holi Ke Rang Mein Kashmir Se Kanyaakumaari Tak Ranga Hindustan https://www.angrejinews.com/pic/3626