Hockey World League Japan Se Haarakar Bhi Bhaarateeya Mahilaaen Sheersh Par Kaayam

Breaking » Friday, February 22, 2013

Nai Delhi: Japan ki mahila team ne major dhyaanachand national stadium mein jaari hero FIH hockey world league round-2 ke apne chauthe round robin match mein shukravaar ko mejabaan Bhaarat ko hara diya. Match ka faisala penalty shoot out ke jariye huaa. Nirdhaarit samay tak donon teemein 2-2 ki baraabari par theen. Is haar ke baavajood bhaarateeya team taalika mein sheersh par kaayam hai. Is tournament ke liye tay FIH niyamon ke mutaabik agar koi round robin match nirdhaarit samay tak baraabari par rahata hai to teemon ko penalty shoot-out ke jariye nateeja nikaalna hota hai. Penalty shoot-out mein jeetne waali team ko vining dra (dra jeetne waali) team kaha jaata hai jabki haarne waali team ko loojing dra (dra haarne waali) team kaha jaata hai. Draw jeetne waali team ko do ank aur haarne waali team ko ek ank milta hai. Is tarah is match se Bhaarat ko ek ank praapt huaa jabki Japan ne do ank haasil kiye. Japan ke ab 10 ank ho gaye hain. Itne hi ank Bhaarat ke bhi hain lekin isse pehle ke sabhi mukaabalon mein Japan se behtar pradarshan karne ke kaaran Bhaarat chhah teemon ki taalika mein pehle sthaan par kaayam hai. Japan doosare sthaan par hai. Japan ne apni vipakshi teemon ke khilaaf 25 gol kiye hain jabki Bhaarat ne 21 gol kiye hain. Bhaarat ne teen match jeete hain jabki ek match mein vah loojing draw team rahi hai. Doosari or, Japan ne chaar me se do match jeete hain jabki do maukon par use penalty shoot-out ke liye majaboor hona pada hai. Guruvaar ko roos ke khilaaf bhi use penalty shoot-out ke jariye match ka faisala karna pada tha, jismein usaki jeet hui thi. Baharahaal, Japan ke liye shiho shaakaai ne chauthe aur akeeko ota ne 31vein minute mein gol kiye jabki Bhaarat ke liye saundarya yeindaalya ne 62vein aur anupa baarla ne 63vein minute mein gol kiye. Bhaarat ne behad kharaab shuruaat ki aur teesare minute mein hi Japan ko penalty corner day diya. Is par shiho ne koi galati naheen ki aur ek lo-flick ke jariye apni team ka khaata khol diya. Iske baad Bhaarat ne baraabari ke gol ke liye jordaar prayaas kiya. Bhaarateeya khilaadi prayatnasheel dikh rahi theen. Is kram mein unase kai galatiyaan bhi huin. 19vein minute mein susheela chaanoo aur 30vein minute mein jasapreet ko foul ke kaaran hara card dikhaaya gaya. 30vein minute mein jasapreet ki galati ke kaaran Japan ko ek aur penalty corner mila, jis par ota ne gol karke apni team ko 2-0 se aage kar diya. Madhyaantar tak yahi score raha. Bhaarat ke liye mushkil badh chuki thi lekin bhaarateeya khilaadiyon ne himmat naheen haari aur 62vein minute mein penalty corner par gol karke score 1-2 kar diya. Yah gol jasapreet ke paas par saundarya ne kiya. 63vein minute mein Bhaarat ne ek aur hamla kiya aur baraabari ka gol karne mein safal rahi. Yah gol baarla ne kiya. Baarla ne raani Rampal ke hit ko diflekt karke score 2-2 kar diya. Nirdhaarit samay tak yahi score raha. Ab baari penalty shoot-out ki thi. Bhaarat ki or se susheela chaanoo pehle prayaas mein gol naheen kar sakeen jabki Japan ki or se maajuki araai ne gol kiya. Japan 1-0 se aage tha. Bhaarat ke liye doosare prayaas mein ritu raani naakaam raheen jabki Japan ke liye yuri naagaai ne gol kiya. Japan 2-0 se aage tha. Bhaarat ke liye teesare prayaas mein vandana kataariya gol naheen kar sakeen jabki Japan ke liye bhi akeeko ota gol naheen kar sakeen. Score 2-0 hi raha. Bhaarat ke liye chauthe prayaas mein saundarya ne gol kiya jabki Japan ke liye akeeko kaato gol naheen kar sakeen. Score 1-2 hi raha. Bhaarat ke liye antim prayaas mein raani Rampal ne gol kiya aur score 2-2 kar diya lekin Japan ki or se reeka kaamaajaava ne antim prayaas mein gol karke apni team ko jeet dila di.