Hockey World League Ireland Se Haara Cheen, Bhaarat Ka Tournament Champion Banana Tay

Breaking » Sunday, February 24, 2013

Nai Delhi: Cheen ke khilaaf ravivaar ko mili 4-0 ki jeet ne Ireland ki purush team ko June mein hone vaale FIH hockey world league tournament ke round-3 mein pahuncha diya hai. Saath hi saath aayarish team ki is jeet ne Bhaarat ke tournament champion banane ka raasta bhi saaf kar diya hai. Aayarish team ne paanch maichon se 12 ank jutaae hain. Bhaarat ne ab tak chaar maichon se 12 ank jutaae hain. Bhaarat ko apne antim round robin match mein ravivaar ko hi Bangladesh se bhidna hai. Bhaarat yah match jeet jaata hai to vah 15 ankon ke saath Ajay rahate hue tournament champion ban jaaega. Lekin agar Bangladesh ki team use hara bhi deti hai to gol antar ke lihaaj se Bhaarat ka tournament champion banana tay hai. Iska kaaran yah hai ki Bhaarat gol antar ke saath-saath haar-jeet ke antar ke lihaaj se bhi Ireland se behtar sthiti mein hai. Bhaarat ne chaar mein se chaar match jeete hain jabki aayarish team ko paanch mein se ek match mein haar mili hai. Use Bhaarat ne hi 3-2 se haraaya tha. Bangladesh Bhaarat ko hara bhi deta hai to bhi Bhaarat ka tournament champion banana tay hai kyonki draw ki is aapasi sthiti mein us team ko vareeyata milegi, jinse round robin match mein jeet haasil ki hai. Aur vah team Bhaarat hai. Round-2 mein khelne waali chhah teemon ki sthiti filhaal yah hai ki omaan aur fiji pehle hi tournament se baahar ho chuke hain. Ab Ireland se haar ke baad cheen bhi baahar ho gaya hai aur aayarish team ki jeet ne Bangladesh ke bhi aage nikalne ki tamanna ko khatm kar diya hai.