Hockey World League Cheen Par Bhaari Pada Bhaarat, Round-3 Ka Raasta Saaf

Breaking » Saturday, February 23, 2013

Nai Delhi: Bhaarateeya purush hockey team ne shanivaar ko major dhyaanachand national stadium mein cheen ko is khel ka kakahara padhaaya aur ab tak ke aankadon ke lihaaj se June mein hone vaale FIH hockey world league round-3 ke liye sthaan surakshit karne mein safal raha. Bhaarat ne apne chauthe round robin match mein cheen par 4-0 se jeet darj ki aur 12 ankon ke saath chhah teemon ki taalika mein khud ki sthiti majaboot ki. Madhyaantar tak bhaarateeya team 2-0 se aage thi. Bhaarat ko ab ravivaar ko Bangladesh ke khilaaf khelna hai, jiska parinaam uske aage badhne par koi asar naheen daalega. Vaise 40veen vareeya baanglaadeshi team ke khilaaf Bhaarat ko jeet darj karne mein koi dikkat naheen honi chaahiye. Bhaarat ke liye 12vein minute mein VR raghunaath ne penalty corner par pehla gol kiya. Iske baad 29vein minute mein Akashdeep Singh ne raghunaath ke ek flick ko diflekt karke apni team ko 2-0 se aage kiya. Ab tak tournament mein Ajay Bhaarat ke liye teesara gol dharmaveer Singh ne 40vein minute mein kiya. Bhaarat ke liye chautha gol rupindar paal Singh ne 44vein minute mein penalty corner par kiya. Bhaarat ke sthaan surakshit karne ke baad ab baaki bache ek sthaan ke liye Ireland, Bangladesh aur cheen ke beech rassaakasi hai. Ireland ko ravivaar ko din ke doosare match mein cheen se bhidna hai. Donon teemon ka yah antim mukaabala hoga aur cheen ko haraane ki soorat mein Ireland round-3 ke liye qualify kar jaaega aur cheen ka safar khatm ho jaaega. Cheen agar Ireland ko haraane mein safal raha to uske nau ank ho jaaenge lekin gol antar ke lihaaj se vah Ireland se neeche aur Bangladesh se oopar teesare kram par pahunch paaega. Bhaarat agar Bangladesh ko haraane mein safal raha to fir cheen ka patta kat jaaega lekin agar Bangladesh Bhaarat ko aur cheen, Ireland ko chaunkaane mein safal raha to Bangladesh 12 ankon ke saath round-3 mein pahunch jaaega.