Hockey World League Bangladesh Ko Haraakar 'Ajay Bhaarat Bana Tournament Champion

Breaking » Sunday, February 24, 2013

Nai Delhi: Bhaarat ki purush hockey team ne major dhyaanachand national stadium mein khele hero FIH hockey world league round-2 tournament mein Ajay rahate hue June mein hone vaale round-3 tournament ke liye qualify kiya. Bhaarateeya team tournament champion bankar ubhari. Iske alaava Ireland ko bhi round-3 mein khelne ki yogyata mili. Bhaarat ne ravivaar ko khele gaye apne antim round robin league match mein Bangladesh ko 5-1 se paraajit kiya. Is jeet ne Bhaarat ke khaate mein paanch maichon mein 15 ank daale. Ireland ne paanch maichon se 12 ankon ke saath round-3 ke liye qualify kiya. Bhaarat ke liye daanish mujtaba ne 15vein aur 64vein, rupindar paal Singh ne 31vein, malaak Singh ne 51vein aur 58vein minute mein gol kiye. Bangladesh ki or se maamaamur Rahman ne match mein khaata khola tha. Maamamur ne penalty corner par gol karke apni team ko hairatangej tareeke se aage kar diya tha lekin bhaarateeya team baad mein us par haavi ho gayi. Madhyaantar tak bhaarateeya team 2-1 se aage thi lekin uske baad usane apne padosi ko haavi hone ka ek bhi mauka naheen diya. Is tournament mein kul chhah teemon ne hissa liya. Bangladesh ko achhe pradarshan ke baavajood niraasha haath lagi jabki cheen ne niraashaajanak pradarshan kiya. Bangladesh ne kul paanch mein se teen match jeete jabki cheen do match hi jeet saka. Uske khaate mein teen haar I. Vah Bhaarat, Ireland aur Bangladesh se haara. Purush varg mein omaan aur fiji ne bhi hissa liya lekin ye teemein tournament ki shuruaat se hi pichhdti najar aain. Omaan ne apne paanchavein match mein fiji ko haraakar jeet ka khaata khola jabki fiji ki team sabhi match haar gayi. Ireland ne cheen ke khilaaf ravivaar ko antim mukaabale mein mili 4-0 ki jeet ke saath hi round-3 ke liye qualify kar liya tha. Bhaarat ne shanivaar ko cheen ko 4-0 se haraaya tha aur tabhi usaka qualify karna tay ho gaya tha. Ravivaar ko cheen par Ireland ki jeet se Bhaarat ka tournament champion banane ka raasta saaf ho gaya tha. Bhaarateeya team is tournament mein poori tarah haavi hokar kheli. Ireland ke khilaaf 3-2 ki jeet ke dauraan bhaarateeya team ke khel mein kuchh kamiyaan najar I theen lekin baaki ke maichon mein vah poori tarah apni shreshthata saabit karne mein safal rahi. Bhaarat ne tournament ki shuruaat fiji par 16-0 ki jeet ke saath ki aur fir doosare match mein omaan ko 9-1 se haraaya. Lagaataar taalika mein sheersh par kaayam rahane waali sardaar Singh ke netrutv waali is team ne teesare match mein Ireland ko 3-2 se haraaya aur fir chauthe match mein cheen par 4-0 se jeet haasil karne mein safal rahe. Bhaarat ne vipakshi teemon ke khilaaf kul 37 gol kiye jabki uske khilaaf chaar gol hue. Is star par Ireland ki team ka bhi achha pradarshan raha aur apni vipakshi teemon ke khilaaf usane kul 31 gol kiye lekin uske khilaaf saat gol hue.