Hirose Se Haareen Sindhoo, Bhaarat Ka Abhiyaan Khatm

Sports » Friday, April 19, 2013

badminton Asia championship agencyan . Taipei Bhaarat ki top yang khilaadi PV sindhoo ki shukravaar ko yahaan Japan ki erike hirose se mahila singals kvaurtar final mein haar ke saath badminton Asia championship mein Bhaarat ka abhiyaan khatm ho gaya. Gair vareeyata Bhaarat ki sindhoo ne saataveen vareeyata praapt Japan ki hirose ko kadi chunauti di lekin unhein ek ghante tak chale is kvaurtar final mein shikast jhelni padi. Hirose ne sindhoo par 21-19 16-21 21-11 se jeet ke saath antim chaar mein jagah bana li. Sindhoo ne guruvaar ko teesare daur ke match mein duniya ki poorv number ek khilaadi shinjiyaan vaang ko hara kar bada ulatafer kiya tha. Sindhoo kvaurtar final mein shukravaar ko hirose ke khilaaf pehle do game mein achhi form mein dikh rahi thi lekin teesare game mein vah laya kaayam naheen rakh sakeen. Sindhoo ne duniya ki 12vein khilaadi hirose ke khilaaf jordaar sangharsh kshamata dikhaai aur pehle game mein unhein kadi takkar di. 10-10 tak donon hi khilaadiyon ke beech kaante ka sangharsh chala koi bhi koi doosare ko point dene ke mood mein naheen najar aain. Hirose ne lagaataar chaar paaints jeet kar 14-10 ki badhat le li. Sindhoo ne gajab ka jeevat dikhaaya aur chaar seedhe paaints jeet kar score 14-14 kar diya. 17-16 se badhat lene ke baad hirose ne laya paai aur teen paaints jeet kar game point par pahunch gayi. Sindhoo ne teen paaints bacha kar unki badhat ko kam kar 19-20 kar diya. Sindhoo ek aur point bachaane se chook gayi aur pehla game hirose se 19-21 se haar gain. Japan ki hirose ne sindhoo ke khilaaf doosare game mein achha aagaaj kar 8-4 ki badhat li. Duniya ki 16vein number ki khilaadi sindhoo ne apna khel sambhaala aur 14-14 ki baraabari pa li . Sindhoo ne laya pa li aur lagaataar paanch pauints jeet kar 19-14 se badhat lene ke baad antat: Doosra game 21-16 se jeet kar match mein baraabari haasil kar li. Sindhoo ne teesare aur nirnaayak game mein achhi shuruaat ki. Is game mein jab score 5-5 tha tab yah laga kar is game mein jordaar sangharsh dekhne ko milega. Lekin sindhoo achaanak laya kho baithi ,hirose apni badhat badhaati chali gain. Sindhoo iske baad keval chhah pauints hi jeet paain aur hirose ne teesara game 21-11 se jeetne ke saath match bhi jeet liya. Ab 17 varsheeya Hyderabad ki sindhoo 23 April se nai Delhi mein hone vaale India open super series badminton tournament mein khelegi.