Hindutv Chunaavi Mudda Ho Hi Naheen Sakta Rajnath

Breaking »

Hindutv Chunaavi Mudda Ho Hi Naheen Sakta  Rajnath

desh ke maujooda raajaneetik haalaat mein pramukh vipakshi party BJP ke mukhiya kya rai rakhate hain, party ki rananeeti kya hai, khud vah apne kaamkaaj se lekar apiyreins ko lekar kya sochate hain, in sab muddon par saat savaal ki is peshakash mein Rajnath Singh se gulashan rai khatri ki baatcheet : 1 : Chunaav to door hain aur BJP sansad ko chalne hi naheen day rahi? Sansad naheen chalegi to charcha kaise hogi? Javaab : Sansad ko na chalne dene ke liye vipaksh ko majaboor kiya ja raha hai. Is gatirodh ke liye vipaksh naheen, Congress jimmedaar hai. Satta mein baithi Congress ko agar lagta hai ki sansad chalni chaahiye, to use hi samaadhaan nikaalne ke liye pahal karni hogi, raasta khojana hoga. 2 : Kya lagta hai, chunaav isi saal honge ya agale saal? Javaab : Chunaav kabhi bhi hon, lekin meri pehli praathamikta yah hai ki BJP hamesha iske liye taiyaar rahe. Jameeni star par hamaari booth kamitiyaan ban rahi hain. Chunaavi rananeeti ka to main khulaasa naheen karoonga, lekin bata doon ki hamaari koshish hai ki agale ek se dedh maheene mein Loksabha ke ummeedavaaron ka mote taur par khaaka taiyaar ho jaae. 3 : To is baar party Modi model ki tarj par vikaas ko mudda banaane ja rahi hai ya fir hindutv ki or lautane ki taiyaari hai? Javaab : Hamaari soch vikaas ki hi hai. Vahi mudda hoga. Hindutv ko ham chunaavi mudda naheen bana rahe. Hindutv chunaavi mudda ho hi naheen sakta. Vah ek jeevan shaili hai. Ise dharm, majahab se joda naheen ja sakta. 4 : Har party ka focus yuvaaon par hai lekin bataur adhyaksh aapke style stetameint mein yah kaheen naheen dikhta. Is baare mein aapne kabhi socha hai? Javaab : Main paranparaaon aur dharati se juda hoon. Raajaneeti tabhi saarthak hoti hai, jab vah jameen se judkar ho. Sirf style badalne se kuchh naheen hota. Soch behtar honi chaahiye. Kapadon ka style maayane naheen rakhata. 5 : Aap twitter, Facebook jaisi social networking site ka bhi istemaal naheen karte. . . Javaab : Seedhe milne se bhaavanaatmak rishta banta hai. Workers aur logon se seedhe baatcheet karne ka iseeliye apna alag mahatva hai. Log sunate hain, to apni sunaate bhi hain. Isse feedabaik milta hai aur yah bhi dikhta hai ki feedabaik kitna jameeni sachaaiyon se juda hai. Social media ka istemaal jitni jaroorat hai, party utana karti hi hai. Yah bhi ek tathya hai ki sab log social media par naheen hain. 6 : Atal, Advani aapki party ki pehli peedhi ke nata maane jaate hain aur doosari peedhi mein aap log hain? Kya teesari peedhi ki taiyaari kar rahe hain? Javaab : Yah ek svaabhaavik prakriya hai. Yojana banaakar peedhi taiyaar naheen hoti. Hamaare yahaan parivaaravaad to hai naheen. Aise mein jo bhi pratibhaashaali hoga, vah apne aap hi agrim pankti mein aa jaaega. Iske liye party ko kisi ko aage badhaane ki jaroorat naheen hai. 7 : Rahul Gandhi ke kaamkaaj aur unki raajaneetik samajh par aapki kya soch hai? Javaab : Rahul Gandhi ke baare mein to main sochata hi naheen. Yah jaroor kahoonga ki ve sukhi rahein, svasth rahein. Unki raajaneetik soch aur vichaar kaise hain, is par Congress ko sochana chaahiye, hamein iski darkaar naheen.

Hindutv Chunaavi Mudda Ho Hi Naheen Sakta Rajnath https://www.angrejinews.com/pic/7677