'Hindu Matlab Chor Par Fanseinge Ya Bacheinge Karunanidhi

Breaking » Tuesday, April 23, 2013

Chennai. . 'Hindu matlab chor. ' DMK cheef Karunanidhi ka 11 saal pehle diya gaya vivaadit bayaan unke unke liye ab mushkil khadi kar sakta hai. Madras haai court mangalvaar ko is maamale par sunavaai karega. Gaurtalab hai ki Madras haai court ne Karunanidhi ke khilaaf case darj karne aur is maamale ki nishpaksh jaanch ke liye daayar yaachika par shukravaar ko notice jaari kiya tha. Shukravaar ko sunavaai ke dauraan court ne Tamil Nadu sarkaar ke vakeel se is maamale par report dene ko kaha tha. Iske baad court ne 23 April tak sunavaai sthagit kar di thi. Kya hai poora maamalaa: Gaurtalab hai ki Karunanidhi ne 24 October 2002 ko vivaadit bayaan dete hue 'Hindu' ka matlab 'Chor' bataaya tha. Bavaal badhne par Karunanidhi ne 'Hindi vishv kosh' ka havaala dete hue apne bayaan ko sahi kaha tha. Karunanidhi ke is bayaan par tab hindu sangathanon ne jamkar vabaal kiya tha. Hinduon ki bhaavanaaon ko thes pahunchaane ke aarop mein ek shakhs beeaar gautaman ki shikaayat par city police ne kriminl case darj kiya tha. Karunanidhi ke khilaaf FIR darj naheen karne par gautaman ne haai court mein yaachika daayar kar di thi. 17 November 2005 ko haai court ne police se case darj karne ko kaha. Iske baad 6 January 2006 ko police ne FIR darj ki thi. 2011 mein DMK ke satta mein rahane ke dauraan is maamale ki jaanch thande baste mein daal di gayi thi. Iske baad gautaman ke vakeel Karthikeyan ne dobaara haai court ka rukh kiya tha. Unhonne court se kaha tha ki Karunanidhi ne hinduon ke khilaaf bayaan dene ki aadat ho gayi hai. Unhonne kaha tha ki Karunanidhi jaane-mane paulitikl leedar hain. Unke vivaadit bayaan ke baad unke samarthak bhi is tarah ke bayaan day rahe hain. Isse hinduon ki bhaavanaaen aahat ho rahi hain. Unhonne kaha ki jab unhonne police se is maamale mein daayar FIR ke baare mein poochha to unhonne yah kehkar taraka diya ki maamale ki jaanch jaari hai. Court ne iske baad hi is maamale mein police ko notice diya.