Hindi Newssamasya Seema Par Naheen, Delhi Mein Hai Modi

India »

Hindi Newssamasya Seema Par Naheen, Delhi Mein Hai  Modi

Pradeep narula . Revaadi Haryana ki dharati se parivartan ki pukaar shuroo hui hai jo Delhi ki saltanat ko lalakaaregi. Yeh baat BJP ke pradhaanamantri pad ke ummeedavaar Narendra Modi ne revaadi mein ek vishaal poorv sainik rally ko sambodhit karte hue kahi. Pradhaanamantri pad ka candidate ghoshit hone ke baad apni pehli rally mein Modi ne bahut santulit baat rakhi. Unke bhaashan mein vah talkhi najar naheen I, jo ki aksar dikhti hai. Yahaan tak ki tej-tarraar aalochna karne vaale Modi ne Pakistan va Bangladesh ko aatankvaad ka raasta chhod gareebi, ashiksha ke khilaaf ladaai ladne ka paath padha daala. Modi ne apratyaksh roop se apni bhaavi videsh neeti ka ijahaar karte hue kaha ki Pakistan ke iraade nek naheen hain. Unhein Bhaarat ke saath chhadm ladaai chhodkar apne desh mein ashiksha aur gareebi ki ladaai ladni hogi. Agar Pakistan apne yahaan aatankvaad ko na panapane de aur aatankvaadiyon ka virodh kare to 10 saal mein usaki tasveer badal sakti hai. Bhaarat virodhi kaaryon se unki pragati naheen ho sakti. Modi ne Delhi sarkaar par hamla bolte hue kaha ki Delhi ki sarkaar saksham naheen hai. Sarkaar ka dhyaan sena ke vikaas mein naheen, balki sena mein khareede jaane vaale hathiyaaron ke teindaron mein adhik hai. Padosi desh seemaaon ka ullanghan kar raha hai. Aae din ham sankat se ghirte ja rahe hain. Cheen aankhein dikhaata hai. Unka kehna tha ki samasya seema par naheen, balki Delhi mein hai aur samaadhaan bhi Delhi se dhoondhana hoga. Jab tak Delhi mein saksham sarkaar naheen banti, tab tak sena kitni bhi saamarthya ho suraksha ki guaranty naheen le sakti. Van raink, van peinshan par shvet patra poorv sainikon ki rally mein poorv sainikon ki nabj tatolate hue Modi ne kaha ki sena ko tejasvi banaana hoga. Poorv sainikon ko desh ke anya kaamon par bhi lagaana hoga. Sarkaar van raink, van peinshan par shvet patra jaari kar yeh bataae ki is vishay par ab tak kitni pragati hui hai. Is avsar par poorv army cheef vi. Ke. Singh ne rally ko sambodhit karte hue kaha ki desh mushkil vakt se gujar raha hai. Desh ki suraksha vyavastha ko dekh afsos hota hai. Padosi desh seemaaon ka ullanghan kar rahe hain, jiska kaaran hamaari kamjor neetiyaan hain. Unhein badalne ki jaroorat hai. Raashtreeya suraksha par jitna dhyaan dena chaahiye, utana dhyaan diya naheen ja raha hai.

Hindi Newssamasya Seema Par Naheen, Delhi Mein Hai Modi https://www.angrejinews.com/pic/260829